Alexander Isak var hetja Newcastle þegar liðið lagði Tottenham í dag. Þá tryggði Eberechi Eze Crystal Palace stig gegn Chelsea.
Harvey Barnes lagði upp jöfnunarmark Newcastle gegn Bournemouth í síðustu umferð og fékk traustið í byrjunarliðinu í dag. Hann nýtti það vel og kom liðinu í forystu í fyrri hálfleik.
Tottenham var með þónokkra yfirburði í seinni hálfleik og það skilaði sér þegar Dan Burn varð fyrir því óláni að skora sjálfsmark þegar hann setti boltann í netið eftir að Brennan Johnson reyndi að stýra boltanum í netið.
Tottenham hélt áfram að sækja en Newcastle komst í skyndisókn en Jacob Murphy komst inn á teiginn og lagði boltann á Alexander Isak sem skoraði á opið markið og tryggði Newcastle stigin þrjú.
Nicolas Jackson sá til þess að Chelsea var með forystuna í hálfleik á Stamford Bridge gegn Crystal Palace þegar hann skoraði á opið markið eftir fyrirgjöf frá Cole Palmer.
Eberechi Eze jafnaði metin snemma í seinni hálfleik. Boltinn barst til hans rétt fyrir utan vítateiginn og hann átti laglegt skot og boltinn hafnaði í netinu.
Chelsea fékk tækifæri til að tryggja sér sigurinn undir lok leiksins en það tókst ekki og jafntefli niðurstaðan.
Chelsea 1 - 1 Crystal Palace
1-0 Nicolas Jackson ('25 )
1-1 Eberechi Eze ('54 )
Newcastle 2 - 1 Tottenham
1-0 Harvey Barnes ('37 )
1-1 Dan Burn ('56 , sjálfsmark)
2-1 Alexander Isak ('78 )
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 8 | 6 | 1 | 1 | 15 | 3 | +12 | 19 |
| 2 | Man City | 8 | 5 | 1 | 2 | 17 | 6 | +11 | 16 |
| 3 | Liverpool | 8 | 5 | 0 | 3 | 14 | 11 | +3 | 15 |
| 4 | Bournemouth | 8 | 4 | 3 | 1 | 14 | 11 | +3 | 15 |
| 5 | Chelsea | 8 | 4 | 2 | 2 | 16 | 9 | +7 | 14 |
| 6 | Tottenham | 8 | 4 | 2 | 2 | 14 | 7 | +7 | 14 |
| 7 | Sunderland | 8 | 4 | 2 | 2 | 9 | 6 | +3 | 14 |
| 8 | Crystal Palace | 8 | 3 | 4 | 1 | 12 | 8 | +4 | 13 |
| 9 | Man Utd | 8 | 4 | 1 | 3 | 11 | 12 | -1 | 13 |
| 10 | Brighton | 8 | 3 | 3 | 2 | 12 | 11 | +1 | 12 |
| 11 | Aston Villa | 8 | 3 | 3 | 2 | 8 | 8 | 0 | 12 |
| 12 | Everton | 8 | 3 | 2 | 3 | 9 | 9 | 0 | 11 |
| 13 | Newcastle | 8 | 2 | 3 | 3 | 7 | 7 | 0 | 9 |
| 14 | Fulham | 8 | 2 | 2 | 4 | 8 | 12 | -4 | 8 |
| 15 | Leeds | 8 | 2 | 2 | 4 | 7 | 13 | -6 | 8 |
| 16 | Brentford | 7 | 2 | 1 | 4 | 9 | 12 | -3 | 7 |
| 17 | Burnley | 8 | 2 | 1 | 5 | 9 | 15 | -6 | 7 |
| 18 | Nott. Forest | 8 | 1 | 2 | 5 | 5 | 15 | -10 | 5 |
| 19 | West Ham | 7 | 1 | 1 | 5 | 6 | 16 | -10 | 4 |
| 20 | Wolves | 8 | 0 | 2 | 6 | 5 | 16 | -11 | 2 |
