Glódís í leiknum í kvöld.
„Þetta var týpískur leikur á Íslandi í miklum vind," sagði Glódís Perla Viggósdóttir, landsliðsfyrirliði, eftir 0-2 tap gegn Frakklandi í Þjóðadeildinni í kvöld.
„Þetta var ekki okkar besta frammistaða en að sama skapi þegar maður hugsar um þetta, þá eru þær ekki að skapa sér nein færi sem er jákvætt. Mörkin sem þær skora eru af því að við erum að slökkva á okkur. Það er eitthvað sem við verðum að taka með en þetta má ekki gerast og sérstaklega ekki á EM."
„Þetta var ekki okkar besta frammistaða en að sama skapi þegar maður hugsar um þetta, þá eru þær ekki að skapa sér nein færi sem er jákvætt. Mörkin sem þær skora eru af því að við erum að slökkva á okkur. Það er eitthvað sem við verðum að taka með en þetta má ekki gerast og sérstaklega ekki á EM."
Lestu um leikinn: Ísland 0 - 2 Frakkland
Íslenska liðið fékk góðar stöður í fyrri hálfleik og hefði átt að nýta vindinn betur.
„Já klárlega. Ég fæ frákast og Sveindís fær fínt færi stuttu seinna. Við hefðum getað nýtt okkur það oftar að sækja föstu leikatriðin því við vissum að þeim liði ekki vel með það og við erum góðar í því."
Ísland hefur núna ekki unnið í tíu leikjum í röð og það er aðeins einn leikur eftir áður en Evrópumótið hefst. Er mikilvægt að vinna Serbíu í síðasta leiknum áður en EM hefst?
„Ég held að við munum líka nýta þennan leik í að vinna í ákveðnum hlutum fyrir EM. Sá leikur er kannski ekki týpískur leikur. Auðvitað langar okkur að ná í sigur, en það eru bara þið blaðamenn sem eruð að tala um við erum ekki að vinna leiki. Þetta er ekki eitthvað sem truflar okkur þannig, við erum ekki að láta þetta komast til okkar. Við getum stjórnað frammistöðunni og í mörgum leikjum í Þjóðadeildinni hefur hún verið flott. Við tökum það með okkur. Þótt við hefðum unnið í dag þá hefðum við samt lent í þriðja sæti. Við þurfum bara að horfa fram á við og láta sigrana koma á EM," sagði Glódís.
Athugasemdir
