Toppslagnum á Hlíðarenda lauk með 2-2 jafntefli og var Fanndís alls ekki sátt eftir leik.
Lestu um leikinn: Valur 2 - 2 Breiðablik
"Nei ég er ekki sátt, mér fannst við hafa verið með yfirhöndina í leiknum og svo náttúrulega glórulaus dómgæsla hérna í restina."
Þá á Fanndís við jöfnunarmark Blika en vildi hún meina að Alexandra hafi verið rangstæð.
"Hún stendur útaf og kemur inn á völlinn og er væntanlega kolrangstæð og ég skil ekki hvernig línuvörðurinn gat ekki séð það."
Það var ekki það eina sem Fanndís var ósátt með í leiknum en hún vildi líka fá vítaspyrnu.
"Þeir sem fylgjast með fótbolta vita það að ég kann ekki að láta mig detta. Bara 100% víti."
Að sögn Fanndísar hefðu þær átt að gera út um leikinn strax í fyrri hálfleik:
"Já við vorum bara klaufar að vera ekki búnar að klára þetta fyrr."
Fanndís vill ekki meina að þetta hafi verið úrslitaleikur í deildinni:
"Þetta var enginn úrslitaleikur, það er bara næsti leikur á mánudag."
Athugasemdir