Fótbolti.net

Sölvi hefur engar áhyggjur af sektum vegna blysa - „Voru einhverjir Blikar í Kópavoginum“

Samúel Kári: Á endanum verður maður líka að hugsa um sjálfan sig

Hemmi hæstánægður með stórsigurinn „Það mega allir halda áfram að blaðra og bulla"

Óskar búinn að æfa skallana - „Þeir eiga ekkert að gleyma mér“

Fyrsta markið fyrir Þór var sérstakt - „Hef skorað mörk hægri vinstri í Noregi"

Siggi Höskulds eftir stóran dag: Ein flottasta varsla sem ég hef séð

Hundóánægður með hugarfar Eyjamanna - „Margir höfðu ekki áhuga á að verjast“

Þurfa að endurmeta undirbúninginn - „Getum ekki boðið fólki upp á þetta"

Aron Sig: Þá er þetta dautt

Óskar Hrafn: Vona að það styttist í að menn haldi einbeitingu í 90 mínútur

Haraldur Freyr um völlinn: Hefur bara hellings áhrif

Stefan Ljubicic: Bara teipað og tvær til þrjár verkjatöflur

Óli ekki með miklar áhyggjur af bitleysi Blika - „Eigum eftir að laga þetta“

Stubbur: Jú jú, það var eitthvað að gera

Haddi: Fer ánægður með stigið norður

Lárus Orri: Hann hlýtur að vera í liði umferðarinnar

Davíð Smári: Gaman að byrja þetta með alvöru hvelli

Venni: Honum líður vel og er ekki að fara neitt

Mæta pressulausar inn í tímabilið - „Höfum trú á verkefninu“

„Vorum ekkert sérlega ánægðar með það“

þri 04. júní 2024 23:32

Sæbjörn Þór Þórbergsson Steinke

Óvæntasti sprettur kvöldsins - „Hann hafði greinilega enga trú á mér"

Guðrún í leiknum í dag.

Mynd: Fótbolti.net - Haukur Gunnarsson

Hlín klobbaði markvörð austurríska liðsins.

Mynd: Fótbolti.net - Haukur Gunnarsson

Markmannsþjálfarinn Ólafur Pétursson.

Mynd: Fótbolti.net - Hafliði Breiðfjörð

„Þetta var mjög sætur sigur og mikilvægur í átt að okkar markmiðum," sagði Guðrún Arnardóttir eftir sigur á Austurríki á Laugardalsvelli í kvöld.

Íslenska liðið er nú komið með innbyrðisstöðu gagnvart Austurríki í baráttunni um 2. sætið í riðlinum. Efstu tvö liðin í riðlinum fara beint á EM.

Lestu um leikinn: Ísland 2 - 1 Austurríki

„Mér leið vel á vellinum, fannst við vera með yfirhöndina allan leikinn og fannst við nokkuð þéttar. Mér leið alltaf vel og fannst við alltaf vera fara vinna leikinn."

„Það var ógeðslega gaman að fagna með stuðningsmönnum eftir leik. Þrátt fyrir smá kulda þá var fullt af fólki í stúkunni sem er ótrúlega gaman að sjá."

„Ég er reyndar aðdáandi þess að vera gervigrasi en það kom mér á óvart hversu góður völlurinn var. Það er alltaf smá sjarmi yfir því að ver á Laugardalsvelli."

Guðrún var spurð út í stöðuna í riðlinum.

„Það getur verið rosalega mikilvægt að vera með þessa innbyrðisstöðu og það var okkar markmið í þessu verkefni. Það tókst og það er mikilvægt fyrir næsta glugga."

„Næsti gluggi leggst vel í mig, náðum okkar markmiðum í þessum glugga þannig við förum inn í næsta glugga tilbúnar að koma okkur á EM."

Eitt allra eftirminnilegasta atvik leiksins er sprettur Guðrúnar í aðdraganda fyrra marks Íslands. Hún skeiðaði upp völlinn og fann svo Karólínu Leu Vilhjálmsdóttur á hárréttum tíma. Hlín Eiríksdóttir skoraði svo í kjölfarið, markið má sjá í spilaranum neðst.

„Boltinn skaust til mín einhvern veginn, ég tók fyrstu snertinguna, sá að þær hörfuðu og ákvað að keyra á þetta. Ég veit ekki hvað kom yfir mig, þetta er ekki líkt mér en ég er bara guðslifandi fegin að við höfum skorað upp úr þessu svo þetta var ekki til einskis."

Undirritaður hugsaði hvenær Guðrún ætlaði sér að gefa boltann.

„Ég fékk að heyra að Óli (Ólafur Pétursson) hefði verið á hliðarlínunni öskrandi á mig að gefa boltann frá fyrstu snertingu. Hann hafði greinilega enga trú á mér," sagði Guðrún og hló. „Karó var líka að öskra á mig, það gaf mér plássið að hún var að kalla á boltann. Svo þegar varnarmaðurinn steig í mig þá losaði ég boltann til Karó. Það var svo gott að sjá Hlín skora, svo gaman. Ég var guðslifandi fegin að við komumst yfir og að þetta hafi heppnast vel. Flottur sprettur, ógeðslega gaman."

Íslenska liðið var að leita að marki í seinni hálfleiknum. Þá reis Hildur Antonsdóttir upp í teignum og stangaði boltann af krafti í netið.

„Ég var alltaf með tilfinningu að við myndum vinna leikinn, fannst við sterkari aðilinn, en það var ótrúlega sætt þegar Hildur negldi boltanum inn með hausnum. Það var ótrúlega gott."

Guðrún var spurð út í það að spila í vinstri bakverðinum en hún spilar oftast í miðverðinum með félagsliði sínu Rosengård í Svíþjóð. Svarið við þeirri spurningu má heyra í spilaranum efst.