Það voru nokkur Íslendingalið sem mættu til leiks í kvennaboltanum í dag og átti Dagný Brynjarsdóttir frábæran leik gegn ógnarsterku liði Arsenal.
Dagný lék allan leikinn á miðri miðjunni er Hamrarnir vörðust hverri sókn Arsenal fætur annarri. Seiglan borgaði sig að lokum því lokatölur urðu 0-0, en lið Arsenal hefur litið á þennan leik sem skyldusigur sérstaklega eftir að Manchester United missteig sig fyrr í dag.
María Þórisdóttir var á bekknum í markalausu jafntefli Man Utd gegn Everton en Arsenal tókst ekki að nýta sér þetta.
Chelsea og Manchester City gripu tækifærið og unnu sína leiki. Chelsea er á toppi deildarinnar sem stendur, með Man Utd í öðru sæti og svo koma Arsenal og Man City skammt undan.
West Ham 0 - 0 Arsenal
Man Utd 0 - 0 Everton
Ingibjörg Sigurðardóttir er eini Íslendingurinn sem skoraði í leikjum dagsnis. Hún var í liði Vålerenga sem lagði Hammarby að velli 3-1 í æfingaleik.
Ingibjörg, sem er reynslumikill varnarjaxl, skoraði síðasta markið í sigrinum. Hún er aðeins 25 ára gömul en á nú þegar 45 A-landsleiki að baki.
Ingibjörg er uppalin í Grindavík en gerði garðinn frægan sem leikmaður Breiðabliks áður en hún var fengin út til Svíþjóðar og svo Noregs.
Að lokum var Anna Björk Kristjánsdóttir ekki í leikmannahópi Inter sem lagði Sassuolo að velli á meðan viðureign FC Bayern gegn Potsdam var frestað. Karólína Lea Vilhjálmsdóttir, Glódís Perla Viggósdóttir og Cecilía Rán Rúnarsdóttir eru á mála hjá Bayern.
Vålerenga 3 - 1 Hammarby
1-0 K. Saevik ('5)
1-1 Cooney-Cross ('44)
2-1 Y. Tennebo ('73)
3-1 Ingibjörg Sigurðardóttir ('75)
Inter 3 - 0 Sassuolo
England
England - konur
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Manchester City W | 11 | 10 | 0 | 1 | 32 | 10 | +22 | 30 |
| 2 | Chelsea W | 11 | 7 | 3 | 1 | 19 | 6 | +13 | 24 |
| 3 | Arsenal W | 11 | 6 | 4 | 1 | 23 | 10 | +13 | 22 |
| 4 | Man Utd W | 11 | 6 | 3 | 2 | 24 | 13 | +11 | 21 |
| 5 | Tottenham W | 11 | 6 | 2 | 3 | 16 | 16 | 0 | 20 |
| 6 | London City Lionesses W | 11 | 5 | 0 | 6 | 14 | 21 | -7 | 15 |
| 7 | Brighton W | 11 | 4 | 2 | 5 | 14 | 13 | +1 | 14 |
| 8 | Aston Villa W | 11 | 3 | 4 | 4 | 14 | 18 | -4 | 13 |
| 9 | Leicester City W | 11 | 2 | 3 | 6 | 7 | 20 | -13 | 9 |
| 10 | Everton W | 11 | 2 | 2 | 7 | 14 | 22 | -8 | 8 |
| 11 | West Ham W | 11 | 1 | 2 | 8 | 9 | 24 | -15 | 5 |
| 12 | Liverpool W | 11 | 0 | 3 | 8 | 8 | 21 | -13 | 3 |
