Walid Regragui þjálfari marokkóska landsliðsins hefur mikla trú á sínu liði gegn Spánverjum en liðin mætast í 16 liða úrslitum á HM kl. 15 í dag.
Hann varar sína leikmenn við því að missa ekki einbeitingu gegn Spánverjum sem verða væntanlega töluvert meira með boltann í leiknum.
„Spánn hefur að meðaltali verið 70% með boltann á HM. Það getur verið leiðinlegt fyrir áhorfendur og andstæðingana. FIFA ætti kannski að fara gefa stig fyrir hversu mikið liðið heldur boltanum. Þeir hreyfa boltann svo maður verður þreyttur og svo gerir maður mistök, þá gera þeir eitthvað," sagði Regragui.
„Þess vegna er hugarfarið jafn mikilvægt og líkamlega standið á okkur í þessum leik. Við verðum að muna að Spánn var mikið með boltann gegn Japan en tapaði."
Athugasemdir