Championship: Burnley mistókst að komast á toppinn

Burnley gerði 1-1 jafntefli við Middlesbrough á Turf Moor í ensku B-deildinni í kvöld og missti þar af frábæru tækifæri til að komast á toppinn.

Heimamenn í Burnley voru á góðu skriði fram að þessum leik en liðið hafði unnið fjóra deildarleiki í röð á meðan Middlesbrough hafði unnið fjóra af síðustu fimm leikjum sínum.

Boro byrjaði betur. Daniel Barlasar átti konfektsendingu inn fyrir vörnina á Anfernee Dijksteel sem var tekinn niður, en náði rétt á undan að stinga boltanum framhjá James Trafford og í netið.

Connor Roberts jafnaði fyrir Burnley með stórgóðu marki á 37. mínútu. Roberts var fyrir utan teiginn, fann Josh Brownhill sem potaði honum aftur á velska landsliðsmanninn. Roberts hugsaði sig ekki tvisvar um, hann sá markvörð Boro framarlega og ákvað að skrúfa boltanum yfir hann og á mitt markið.

Fleiri urðu mörkin ekki þó bæði lið hafi fengið góð færi. Burnley missti þarna af dauðafæri til að komast á toppinn en liðið er áfram í 2. sæti með 37 stig á meðan Boro er í 5. sæti með 31 stig.