Víkingar frá Ólafsvík biðu lægri hlutar á heimavelli gegn ÍBV en þetta var fjorða tap Víkinga í röð og hefur liðið ekki unnið síðustu 5 leiki sína.
Ekki voru liðnar nema rétt undir 5 mínútur þegar liðið var komið undir í dag en þetta varð þriðja tap liðsins á heimavelli í röð.
Ekki voru liðnar nema rétt undir 5 mínútur þegar liðið var komið undir í dag en þetta varð þriðja tap liðsins á heimavelli í röð.
Lestu um leikinn: Víkingur Ó. 0 - 1 ÍBV
„Mér fannst við byrja leikinn alveg vel en það er í raun bara fáránlegt að fá á sig mark eftir útspark. Hvorki miðverðirnir mínir né markmaðurinn náðu að lesa boltann og eftir það varð þetta bara virkilega erfitt."
Smelltu hér til að sjá markið
Þorsteinn Már og Martin Svensson komu inná snemma í síðari hálfleik og kom kraftur í liðið en það vantaði bara að skapa góð færi.
„Að sjálfsögðu eru það betri leikmennirnir sem skapa fleiri færi en það var bara rosalega erfitt að koma sér inní leikinn. Við komum okkur í bratta brekku, en það er einmitt í svona leikjum þar sem þú mátt ekki fá mark á þig snemma. Það spilaðist mjög fátt með okkur í dag."
Eins og fyrr sagði þá byrjaði Þorsteinn á bekknum, sem og Martin Svensson eftir að hafa ekki verið í hóp í síðasta leik.
„Það voru 4-5 menn tæpir í síðustu viku og við erum komnir inní svona lítinn vítahring sem við erum að reyna vinna okkur úr. Við erum að reyna fá sem flesta heila til að geta kannski loksins stillt upp okkar besta liði."
Viðtalið má sjá í sjónvarpinu hér að ofan
