Íslenska landsliðið kom til St. Gallen í gær eftir að hafa verið í Austurríki síðustu daga. Liðið dvaldi í Schruns sem er fámennur, fallegur bær handan landamæranna.

Liðið var með opna æfingu í gær og var nokkuð fjölmennt í stúkunni, íslenska landsliðið var vinsælt á meðal íbúa í Schruns.

Eftir æfinguna í gær gáfu leikmenn sér tíma til að gefa áritanir og taka myndir með ungum stuðningsmönnum sem voru spenntir að hitta íslensku landsliðsmennina.

Hér að neðan má sjá nokkrar myndir.

Leikurinn gegn Sviss hefst klukkan 16:00 að íslenskum tíma. Fótbolti.net verður með beina textalýsingu frá leiknum. Fylgist með!