Íslenska landsliðið mætir Úkraínu og Frakklandi á Laugardalsvelli í komandi leikjum í undankeppni HM. Þegar er orðið uppselt á báða leikina og því komast færri að en vilja.
Síðast var uppselt á Laugardalsvöll árið 2023 er Ísland mætti Portúgal. Vinsældir Cristiano Ronaldo spiluðu þar eflaust stóra rullu en hann skoraði jafnframt eina mark leiksins.
Covid-19 heimsfaraldurinn setti þá strik í reikninginn, en þá var uppselt í nokkur skipti og máttu mest 3600 áhorfendur mæta á völlinn áður en að takmörkunum var aflétt.
Þar áður var fullt á Laugardalsvöll þegar við mættum Frakklandi árið 2019 í undankeppni EM, leikurinn endaði með 0-1 tapi en Olivier Giroud skoraði eina mark leiksins úr vítaspyrnu.
Síðast þegar það var uppselt í báðum leikjum Íslands í einum og sama glugganum var árið 2017 í undankeppni fyrir HM 2018.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Frakkland | 4 | 3 | 1 | 0 | 9 - 3 | +6 | 10 |
| 2. Ísland | 5 | 2 | 1 | 2 | 13 - 9 | +4 | 7 |
| 3. Úkraína | 4 | 2 | 1 | 1 | 8 - 7 | +1 | 7 |
| 4. Aserbaísjan | 5 | 0 | 1 | 4 | 2 - 13 | -11 | 1 |
