Stjarnan gerði góða ferð á Hlíðarenda í kvöld og fór með 1-3 sigur af hólmi gegn Val. Aðpurður um fyrstu viðbrögð svaraði Jóhannes Karl Sigursteinsson þjálfari Stjörnunar
„Bara gleði, ég er virkilega ánægður með spilamennskuna og framlagið hjá leikmönnum. Við vorum að vinna hratt, hlaupa vel, héldum vel í boltann, létum hann ganga og gerðum þetta bara skipulega og agað.“
Lestu um leikinn: Valur 1 - 3 Stjarnan
„Við endum þetta 18 leikja mót vel, við vinnum FHL, Fram, Þór/KA og komum kannski bara með svolítið rétt hugarfar og jákvæða reynslu þegar úrslitakeppnin byrjar."
„það þarf að motivera sig, það er október og kannski ekki eins mikið undir þegar þú getur ekki unnið titilinn en okkur hefur bara tekist vel að gíra okkur virkilega vel í það að spila góðan fótbolta."
„Við viljum halda í boltann, láta hann ganga, taka svolitla sénsa og vera hugrakkar í sendinga vali og það er held ég að skila sér. Maður sá það bara í dag, það var mikil gleði í því sem við vorum að gera og mikill kraftur og það er bara það sem er skemmtilegt við fótbolta.“
Næsti leikur Stjörnunnar verður gegn Þrótti sem situr í 3. sætinu
„Þróttur er frábært lið og við erum búnar að vinna einu sinni og tapa einu sinni, þannig það er kannski oddaleikur sem að verður bara hörkugaman að fara í.“
Það hafa verið miklar hreyfingar á þjálfurum og allavega þrír sem hafa sagt starfi sínu lausu, hvernig er málum háttað hjá Jóhannesi?
„Ég er með samning út næsta tímabil, þannig það er ósköp lítið að frétta þar og það er bara eitthvað sem að já er í vinnslu.“
Viðtalið í heild má finna í spilaranum hér að ofan
