Juventus 0 - 0 Milan
Juventus tók á móti AC Milan í stórleik helgarinnar í ítalska boltanum og var staðan markalaus eftir fyrri hálfleikinn í hágæðaslag.
Leikurinn var hraður og fengu bæði lið tækifæri til að skora sem fóru forgörðum.
Seinni hálfleikurinn hélt áfram í sama fari en Milan fékk besta færið þegar Lloyd Kelly var dæmdur brotlegur innan vítateigs. Christian Pulisic steig á vítapunktinn en skaut yfir.
Federico Gatti fékk besta færi Juventus í upphafi síðari hálfleiks en Mike Maignan varði meistaralega frá honum.
Rafael Leao fékk einnig gott færi til að skora en heimamenn í liði Juve voru sterkari aðilinn á lokakaflanum. Þeir þjörmuðu að lærlingum Max Allegri en náðu ekki að skapa mikið. Milan fékk betri færi úr sínum skyndisóknum en tókst ekki að nýta þau svo lokatölur urðu 0-0.
Milan er í þriðja sæti með 13 stig eftir þetta jafntefli, einu stigi fyrir ofan Juventus sem er enn taplaust. Þetta er fimmta jafntefli Juve í röð í öllum keppnum.
Þetta var síðasti leikurinn í Serie A fyrir landsleikjahlé en Juve heimsækir Como þegar leikmenn snúa aftur til Ítalíu á meðan Milan tekur á móti Fiorentina.
Milan hafði sigrað fimm leiki í röð í öllum keppnum fyrir leikinn gegn Juve.
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 6 | 5 | 0 | 1 | 12 | 6 | +6 | 15 |
| 2 | Roma | 6 | 5 | 0 | 1 | 7 | 2 | +5 | 15 |
| 3 | Milan | 6 | 4 | 1 | 1 | 9 | 3 | +6 | 13 |
| 4 | Inter | 6 | 4 | 0 | 2 | 17 | 8 | +9 | 12 |
| 5 | Juventus | 6 | 3 | 3 | 0 | 9 | 5 | +4 | 12 |
| 6 | Atalanta | 6 | 2 | 4 | 0 | 11 | 5 | +6 | 10 |
| 7 | Bologna | 6 | 3 | 1 | 2 | 9 | 5 | +4 | 10 |
| 8 | Como | 6 | 2 | 3 | 1 | 7 | 5 | +2 | 9 |
| 9 | Sassuolo | 6 | 3 | 0 | 3 | 8 | 8 | 0 | 9 |
| 10 | Cremonese | 6 | 2 | 3 | 1 | 7 | 8 | -1 | 9 |
| 11 | Cagliari | 6 | 2 | 2 | 2 | 6 | 6 | 0 | 8 |
| 12 | Udinese | 6 | 2 | 2 | 2 | 6 | 9 | -3 | 8 |
| 13 | Lazio | 6 | 2 | 1 | 3 | 10 | 7 | +3 | 7 |
| 14 | Parma | 6 | 1 | 2 | 3 | 3 | 7 | -4 | 5 |
| 15 | Lecce | 6 | 1 | 2 | 3 | 5 | 10 | -5 | 5 |
| 16 | Torino | 6 | 1 | 2 | 3 | 5 | 13 | -8 | 5 |
| 17 | Fiorentina | 6 | 0 | 3 | 3 | 4 | 8 | -4 | 3 |
| 18 | Verona | 6 | 0 | 3 | 3 | 2 | 9 | -7 | 3 |
| 19 | Genoa | 6 | 0 | 2 | 4 | 3 | 9 | -6 | 2 |
| 20 | Pisa | 6 | 0 | 2 | 4 | 3 | 10 | -7 | 2 |
Athugasemdir
