Unai Emery þjálfari Aston Villa svaraði spurningum eftir 2-1 sigur á heimavelli gegn nýliðum Burnley í gær, þar sem Donyell Malen skoraði bæði mörk heimamanna.
Þetta var fjórði sigur Aston Villa í röð í öllum keppnum eftir hörmulega byrjun á tímabilinu. Villa er með 9 stig eftir 7 fyrstu umferðirnar í úrvalsdeildinni.
„Ég er mjög ánægður með þessi stig, þau eru mikilvæg fyrir okkur í deildinni. Strákarnir voru duglegir og verðskulduðu sigurinn," sagði Emery og sneri sér svo að markaskoraranum Malen, sem getur spilað í öllum stöðum í sóknarlínunni og byrjaði úti á vinstri kanti í gær.
„Það er barátta um byrjunarliðssæti og Donyell hefur tekið áskoruninni vel. Hann er búinn að kynnast leikstíl liðsins betur og þekkir meira inn á Ollie Watkins, þeir eru byrjaðir að spila betur saman. Hann var mjög góður í leiknum og við munum halda áfram að reyna að finna bestu stöðuna fyrir hann á vellinum."
Þjálfarinn talaði einnig um að markmiðið væri að gera Villa Park að alvöru vígi og ræddi svo um meiðslavandræði liðsins þar sem miðjumennirnir Ross Barkley og Amadou Onana ættu að vera orðnir liðtækir á ný eftir landsleikjahléð.
Emiliano Buendía fór af velli seint í uppbótartíma eftir að hafa fengið heilahristing.
„Ég er búinn að sjá Emi Buendía og hann er að jafna sig. Við vonum að þetta reynist ekki alvarlegra."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 7 | 5 | 1 | 1 | 14 | 3 | +11 | 16 |
| 2 | Liverpool | 7 | 5 | 0 | 2 | 13 | 9 | +4 | 15 |
| 3 | Tottenham | 7 | 4 | 2 | 1 | 13 | 5 | +8 | 14 |
| 4 | Bournemouth | 7 | 4 | 2 | 1 | 11 | 8 | +3 | 14 |
| 5 | Man City | 7 | 4 | 1 | 2 | 15 | 6 | +9 | 13 |
| 6 | Crystal Palace | 7 | 3 | 3 | 1 | 9 | 5 | +4 | 12 |
| 7 | Chelsea | 7 | 3 | 2 | 2 | 13 | 9 | +4 | 11 |
| 8 | Everton | 7 | 3 | 2 | 2 | 9 | 7 | +2 | 11 |
| 9 | Sunderland | 7 | 3 | 2 | 2 | 7 | 6 | +1 | 11 |
| 10 | Man Utd | 7 | 3 | 1 | 3 | 9 | 11 | -2 | 10 |
| 11 | Newcastle | 7 | 2 | 3 | 2 | 6 | 5 | +1 | 9 |
| 12 | Brighton | 7 | 2 | 3 | 2 | 10 | 10 | 0 | 9 |
| 13 | Aston Villa | 7 | 2 | 3 | 2 | 6 | 7 | -1 | 9 |
| 14 | Fulham | 7 | 2 | 2 | 3 | 8 | 11 | -3 | 8 |
| 15 | Leeds | 7 | 2 | 2 | 3 | 7 | 11 | -4 | 8 |
| 16 | Brentford | 7 | 2 | 1 | 4 | 9 | 12 | -3 | 7 |
| 17 | Nott. Forest | 7 | 1 | 2 | 4 | 5 | 12 | -7 | 5 |
| 18 | Burnley | 7 | 1 | 1 | 5 | 7 | 15 | -8 | 4 |
| 19 | West Ham | 7 | 1 | 1 | 5 | 6 | 16 | -10 | 4 |
| 20 | Wolves | 7 | 0 | 2 | 5 | 5 | 14 | -9 | 2 |
Athugasemdir
