„Þór/KA er erfiður andstæðingur og við vissum að við þyrftum að mæta ákveðnar til leiks. Það var gott að skora snemma en þær áttu líka sín færi. Við þurftum bara að passa að setja í lás aftast. Það var gott að skora nokkur mörk því okkur hefur gengið illa að skora undanfarið,“ sagði Gloria Douglas, sóknarmaður KR, eftir 4-0 sigur á Þór/KA. KR-liðið tryggði áframhaldandi veru sína í efstu deild með sigrinum.

Lestu um leikinn: KR 4 -  0 Þór/KA

Gloria átti stórgóðan leik. Skoraði tvívegis og lagði upp mark.

„Ég er mjög ánægð með mína frammistöðu. Ég er búin að vera að æfa skot með vinstri svo það var jákvætt að skora þannig. Svo vildi ég bara gefa liðinu mínu sem mest. Hvort sem það er með því að leggja upp, pressa eða spila vel varnarlega.“

Gloria er ákveðin í að klára Íslandsmótið með sigrum og segist opin fyrir því að leika áfram með KR næsta sumar. Það yrði sterkt fyrir KR-inga enda hefur Gloria leikið feykilega vel með liðinu í sumar.

„Það væri frábært ef ég gæti verið áfram. Það hefur ekkert verið planað en ég er opin fyrir því að vera áfram. Mér líður vel hér.“

Nánar er rætt við Gloriu í spilaranum hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit