Alexandra á æfingu í gær.
„Ég er ánægð með stigið en mér fannst við eiga þrjú stig skilið," sagði Alexandra Jóhannsdóttir, miðjumaður Íslands, eftir jafntefli gegn Belgíu í fyrsta leik á EM.
„Mér fannst stelpurnar flottar í dag og það er pirrandi að fá ekki öll stigin."
„Mér fannst stelpurnar flottar í dag og það er pirrandi að fá ekki öll stigin."
Lestu um leikinn: Belgía 1 - 1 Ísland
Alexandra kom inn á undir lokin. Var pirrandi að byrja á bekknum?
„Það er alltaf pirrandi að byrja á bekknum. Ég held að við allar myndum segja það sama við því, en það var flott að fá nokkrar mínútur."
Var tækifæri til að stela þremur stigum undir lokin? „Ég fékk góðan séns til að stela þessu. Þetta var beint af æfingasvæðinu; Agla María yfir á fjær en þetta féll ekki í dag. Kannski gerist það í næsta leik."
Alexandra segir að þetta sé ekki búið þrátt fyrir að liðið hafi ekki tekið sigur í þessum leik. Hægt er að sjá allt viðtalið hér að ofan.
Athugasemdir
