Birta Georgsdóttir
„Ég er hrikalega ánægð með þrjú stig og þetta var það sem við lögðum upp með fyrir leikinn og við gerðum það gríðarlega vel", sagði Birta Georgsdóttir, einn af markaskorurum FH, eftir 3-0 sigur FH gegn Grindavík í Inkasso-deild kvenna í kvöld.
Lestu um leikinn: FH 3 - 0 Grindavík.
FH stýrði leiknum að mestum hluta í fyrri hálfleik en Grindavík ógnaði með skyndisóknum sínum. Birta var spurð út í hvernig henni leið að hafa náð að koma með forskot inn í hálfleikinn.
Lestu um leikinn: FH 3 - 0 Grindavík.
FH stýrði leiknum að mestum hluta í fyrri hálfleik en Grindavík ógnaði með skyndisóknum sínum. Birta var spurð út í hvernig henni leið að hafa náð að koma með forskot inn í hálfleikinn.
„Það var góð tilfinning að vera yfir í hálfleik. Við töluðum svo um það í hálfleik að halda áfram að setja á þær í seinni hálfleiknum. Við þurftum svolítinn tíma til þess að brjóta þær á bak aftur enda voru þær hrikalega öflugar."
Birta skoraði sitt níunda mark í deildinni í kvöld og er markahæst FH kvenna. Hún var spurð hvort hún væri í samkeppni við liðsfélaga sína.
„Nei nei maður gerir bara sitt besta."
Birta var þá að lokum spurð út í endasprettinn en FH er í harðri baráttu við Þrótt R. um sigur í Inkasso-deild kvenna.
„Við stefnum á að vinna deildina og ætlum að halda ótrauðar áfram fram að síðasta leik."
Viðtalið í heild sinni má sjá hér að ofan.
Athugasemdir
