Fótbolti.net

Ólafur Hrannar: Skemmtilegur markmannskapall sem við höfum átt með Frömurum

Venni: Kjánalegt að stefna að einhverju öðru en að fara upp

Amin Cosic: Búinn að vera bíða eftir þessu marki í svona ár

Haraldur Freyr: Höllin er stór og þetta eru öðruvísi aðstæður

Ólafur Kristófer: Betra þegar það er minna að gera hjá mér

Gunnar Heiðar: Fannst við aldrei vera minna liðið

Árni Freyr: Óli varði víti svo við sættum okkur við stigið

„Verðum að taka þetta með okkur á koddann og koma graðir í næsta leik"

Gunnar Már: Sama hvað maður segir er ekki hlustað á mann

Hemmi: Við verðum þar, það er morgunljóst

„Þurfum að hætta því að kveikja ekki á okkur í byrjun"

„Það verða læti í okkur, það er alveg klárt"

Gunnar Heiðar: Verður gaman að fá þá á grasið okkar

Nik: Hún hefði í raun ekki átt að spila neitt en hefur gert frábærlega

Óskar Smári eftir 7-1 tap: Furðulegt en satt þá líður mér bara vel

Bjarni Mark: Ég er bara svona kartafla

Túfa um gagnrýni á Val: Ég skil ekkert í þessari umræðu

Viktor Freyr um markmannsmálin: Þetta kom alveg á óvart

Magnús Már: Vantaði meiri áræðni í teignum og meiri grimmd

Rúnar: Náðum aðeins að hrista upp í þeim og hræða þá

fös 14. febrúar 2025 16:30

Guðmundur Aðalsteinn Ásgeirsson
Viðtal

„Ég þurfti að fylgja hjartanu og það leitaði heim"

Áslaug Dóra Sigurbjörnsdóttir.

Mynd: Fótbolti.net - Hafliði Breiðfjörð

Áslaug Dóra gekk í raðir Víkinga.

Mynd: Víkingur

Lék með Selfossi áður en hún fór til Svíþjóðar.

Mynd: Hrefna Morthens

„Ég er mjög spennt fyrir framhaldinu með þeim," segir Áslaug Dóra Sigurbjörnsdóttir sem gekk á dögunum í raðir Víkings eftir dvöl hjá Örebro í Svíþjóð.

Hún yfirgaf sænska félagið Örebro í nóvember eftir að liðið féll úr sænsku úrvalsdeildinni. Hún lék þar í eitt tímabil.

Áslaug fór til Örebro frá uppeldisfélaginu Selfossi þar sem hún varð bikarmeistari. Hún er fædd árið 2003 og á að baki sex leiki með U23 landsliðinu.

„Ákvörðunin var þannig séð ekkert ótrúlega erfið. Ég þurfti að fylgja hjartanu og það leitaði heim."

Hún segir að nokkur félög hafi sett sig í samband við sig, en Víkingur varð fyrir valinu. „Mér fannst Víkingur mest spennandi. Þróunin sem hefur verið hjá þeim seinustu ár, stelpurnar, teymið og umgjörðin heillaði mig. Þær ætla sér stóra hluti á næstu árum og mig langar að vera hluti af því."

Vonandi fær maður að vera partur af einhverju stóru
Það hefur verið mikill uppgangur hjá VíkingÞum seinustu árin. Þær urðu bikarmeistarar 2023 og komust upp í Bestu deildina það sama sumar. Svo í fyrra enduðu þær í þriðja sæti efstu deildar.

„Þetta er ótrúlega spennandi. Vonandi fær maður að vera partur af einhverju stóru og skemmtilegu í þeirra þróun," segir Áslaug Dóra.

Hún hefur fengið að kynnast Víkingsliðinu síðustu daga og vikur. Hún segir að maður átti sig fljótlega á því af hverju það hefur gengið svona vel.

„Það er vel haldið utan um stelpurnar og það er mjög góð stemning í hópnum. Þær eru með sterkan leikmannahóp og maður skilur velgengnina."

Góð reynsla og mikill lærdómur
Áslaug Dóra segir að það hafi ekki verið erfið ákvörðun að koma heim. Það hafi verið sú ákvörðun sem hún taldi besta fyrir sig á þessum tímapunkti.

„Tímabilið í Svíþjóð var frekar erfitt, og hvað þá eftir erfitt tímabil heima. En heilt yfir var þetta ótrúlega góð reynsla og ég var að fá mikinn spilatíma á móti mjög sterkum leikmönnum í sterkri deild. Þetta er mikill lærdómur sem ég tek með mér," segir miðvörðurinn en markmiðið er að fara aftur erlendis og spila síðar meir.

„Að hafa spilað á móti svona sterkum leikmönnum gerir mann klárlega betri. Þetta var mikið stökk en maður fílar alltaf áskoranir og þetta var gaman á sama tíma."

Hjá Víkingum hittir hún Bergþóru Sól Ásmundsdóttur, sem spilaði einnig með henni í Örebro. „Það er mjög gaman. Ég elska að vera með Beggu í liði, þess vegna fór ég í Víking," sagði Áslaug Dóra og hló.

Allt viðtalið má sjá í spilaranum hér fyrir ofan.