Það fór nokkuð af vináttulandsleikjum fram í dag og í gær þar sem ýmsar stórþjóðir stigu á svið.
Brasilía vann 2-0 gegn Senegal í stjörnum prýddum slag þar sem úrvalsdeildarleikmennirnir Estevao og Casemiro skoruðu mörk Brassa.
Ismaila Sarr, Nicolas Jackson og Sadio Mané eru meðal leikmanna sem komu við sögu fyrir sterkt landslið Senegal, á meðan Bruno Guimaraes og Matheus Cunha voru í brasilíska liðinu ásamt Vinícius Júnior og Rodrygo.
Bandaríkin lögðu svo Paragvæ að velli þar sem Giovanni Reyna og Folarin Balogun afgreiddu andstæðingana með sitthvoru markinu.
Gonzalo Tapia og Ben Brereton Díaz skoruðu þá mörkin er Síle lagði Rússland að velli á meðan Gustavo Puerta og Johan Carbonero skoruðu mörkin í sigri Kólumbíu.
Mexíkó gerði einnig markalaust jafntefli við Úrúgvæ í áhugaverðum slag.
Það fóru fleiri leikir fram þar sem Baskaland lagði Palestínu meðal annars að velli með þremur mörkum gegn engu og komst Gorka Guruzeta leikmaður Athletic Bilbao á blað í sínum fyrsta landsleik. Venesúela sigraði gegn Ástralíu og Suður-Afríka fór með sigur af hólmi.
Brasilía 2 - 0 Senegal
1-0 Estevao ('28)
2-0 Casemiro ('35)
Bandaríkin 2 - 1 Paragvæ
1-0 Giovanni Reyna ('4)
1-1 Alex Arce ('10)
2-1 Folarin Balogun ('71)
Rússland 0 - 2 Síle
0-1 Gonzalo Tapia ('37)
0-2 Ben Brereton Diaz ('76)
Kólumbía 2 - 1 Nýja-Sjáland
1-0 Gustavo Puerta ('3)
1-1 Benjamin Old ('80)
2-1 Johan Carbonero ('88)
Mexíkó 0 - 0 Úrúgvæ
Venesúela 1 - 0 Ástralía
Baskaland 3 - 0 Palestína
Gínea 2 - 0 Líbería
Líbía 1 - 0 Máritanía
Kúveit 4 - 3 Tansanía
Lesótó 0 - 0 Malaví
Suður-Afríka 3 - 1 Sambía
Grenada 4 - 1 Jómfrúaeyjar
Athugasemdir
