„Það er svekkelsi að tapa leiknum. Það er alltaf þannig þegar maður tapar leikjum," sagði Rúnar Páll Sigmundsson, þjálfari Stjörnunnar, eftir 2-0 tap gegn KA á heimavelli í Pepsi Max-deildinni í kvöld.

Lestu um leikinn: Stjarnan 0 -  2 KA

„Það er ekki það skemmtilegasta sem maður gerir í þessum bransa, að tapa fótboltaleikjum. Það fer líka eftir því hvernig þú tapar leikjunum. Mér fannst við missa einbeitinguna í 10 mínútur sem skapar það að þeir skora tvö mörk á okkur algjörlega gegn gangi leiksins."

„Mér fannst við vera frábærir í fyrri hálfleik, sköpum fullt af færum og skorum örugglega löglegt mark líka."

„Við stjórnuðum leiknum frá upphafi til enda. Þeir fengu skyndisókn þegar þeir skora fyrsta markið. Svo fengu þeir aðra sókn þar sem þeir yfirspiluðu okkar hafsenta. Það var hrikalega vel gert hjá þeim, en við hleyptum þeim óþarflega mikið inn í leikinn."

Viðtalið er í heild sinni hér að ofan.

Tweet

Senda a Facebook Hafdu samband Senda frétt Prenta frétt Frétta leit