19.11.25 - 10:27
Elvar Geir Magnússon
Kom Haítí á HM en hefur aldrei komið til landsins
Sebastien Migne er fyrrum landsliðsþjálfari Kenýa.
Mynd: EPA
Sebastien Migne er fyrrum landsliðsþjálfari Kenýa.
Mynd: EPA
Haítí vann 2-0 sigur gegn Níkaragva og tryggði sér sæti á HM 2026. Athyglisvert er að Sebastien Migne landsliðsþjálfari Haítí hefur aldrei komið til landsins.
Migne er 52 ára Frakki sem tók við Haítí fyrir 18 mánuðum en vegna átaka í landinu hefur hann ekki stigið þar fæti. Ferðamenn eru varaðir við því að ferðast til Haítí vegna ástandsins í landinu þar sem glæpatíðni er há; og varað við mannránum, hryðjuverkastarfsemi og borgaralegum óeirðum. Vopnuð glæpagengi hafa tekið nánast öll völd í höfuðborginni.
Haítí hefur spilað heimaleiki sína mörghundruðum kílómetrum frá landinu, á eyríkinu Curacao.
Migne er 52 ára Frakki sem tók við Haítí fyrir 18 mánuðum en vegna átaka í landinu hefur hann ekki stigið þar fæti. Ferðamenn eru varaðir við því að ferðast til Haítí vegna ástandsins í landinu þar sem glæpatíðni er há; og varað við mannránum, hryðjuverkastarfsemi og borgaralegum óeirðum. Vopnuð glæpagengi hafa tekið nánast öll völd í höfuðborginni.
Haítí hefur spilað heimaleiki sína mörghundruðum kílómetrum frá landinu, á eyríkinu Curacao.
„Venjulega bý ég í löndunum þar sem ég starfa en nú er það ómögulegt vegna hættunnar. Það eru ekki lengur alþjóðleg flug þangað," segir Migne sem var aðstoðarlandsliðsþjálfari Kamerún á síðasta HM.
Enginn landsliðsmaður Haítí býr á Haítí en þetta er í annað sinn sem þjóðin kemst á HM, hitt skiptið var 1974. Auk Haítí tryggðu Panama og Curacao sér HM sæti.
Enginn landsliðsmaður Haítí býr á Haítí en þetta er í annað sinn sem þjóðin kemst á HM, hitt skiptið var 1974. Auk Haítí tryggðu Panama og Curacao sér HM sæti.
