Guðmundur Arnar Svavarsson og Thibang Sindile Theophilus “Cafú” Phete hafa báðir framlengt samning sinn við Vestra og taka því slaginn með liðinu í Lengjudeildinni á næsta ári.
Guðmundur er 23 ára gamall heimamaður og á 73 leiki og 1 mark í tveimur efstu deildunum með Vestra.
Hann semur við félagið til tveggja ára, en Vestri er að leggja áherslu á að endursemja við heimamenn á næstunni.
Cafú er 31 árs gamall og kom til Vestra fyrir tímabilið og spilaði 25 leiki í deild- og bikar.
Suður-Afríkumaðurinn var að stíga upp úr erfiðum meiðslum er hann kom til Vestra.
Hann nær nú heilu undirbúningstímabili með Vestra eftir að hafa spilað í átta ár í portúgölsku úrvalsdeildinni.
Tímabilið var súrsætt hjá Vestra sem vann bikarmeistaratitilinn í fyrsta sinn í sögu félagsins og tryggði sér sæti í Evrópukeppni, en féll síðan niður í Lengjudeildina í lok tímabils.
Cafú verður áfram á Ísafirði
Athugasemdir
