Juventus er á höttunum eftir Granit Xhaka í janúarglugganum og greinir ítalski miðilinn Tuttosport frá því að viðræður á milli félaganna séu þegar hafnar.
Juventus hefur sérstakan augastað á Xhaka, þar sem hann er miðjumaður sem passar vel inn í áætlanir Luciano Spalletti, segir enn fremur í miðlinum.
Xhaka er fyrirliði Sunderland, en liðið er óvænt í fjórða sæti ensku úrvalsdeildarinnar. Hann sneri aftur í ensku úrvalsdeildina í sumar eftir vel heppnaða dvöl í Þýskalandi.
Sunderland borgaði um 13 milljónir punda fyrir leikmanninn í sumar og er hann samningsbundinn til ársins 2028.
Athugasemdir
