Ísland 0 - 3 Rúmenía
0-1 Troy-Leo Tomsa ('18)
0-2 Alexandru Stoian ('34)
0-3 Mihai Toma ('64)
0-1 Troy-Leo Tomsa ('18)
0-2 Alexandru Stoian ('34)
0-3 Mihai Toma ('64)
Íslenska U19 ára landsliðið mætti í dag rúmenska liðinu í lokaleiknum í undankeppni EM. Ísland var með þrjú stig eftir fyrstu tvo leikina í riðlinum og Rúmenía með fjögur stig.
Riðilinn var spilaður í Rúmeníu og heimamenn komust yfir á 18. mínútu. Rúmenar tvöfölduðu forystuna á 34. mínútu og sigurinn var svo innsiglaður á 64. mínútu.
Rúmenska liðið átti fleiri tilraunir í leiknum, 27 (13 á mark) gegn 15 (8 á mark), átti auk markanna stangarskot og fékk fleiri hornspyrnur.
Ísland endar í 3. sæti riðilsins og kemst ekki áfram á næsta stig undankeppninnar. Liðið tapaði naumlega gegn Finnlandi í fyrsta leik, vann Andorra sannfærandi í leik tvö en tapaði þriðja leiknum í dag.
Efstu tvö sætin í undanriðlunum fara áfram í næstu umferð og líka besta liðið sem endar í þriðja sæti. Stig Íslands komu öll gegn Andorra, liðinu í fjórða sæti riðilsins og þau munu ekki telja þegar horft er í stigahæsta liðið í þriðja sætinu. Því er ljóst að liðið fer ekki áfram á næsta stig undankeppninnar.
Athugasemdir
