Fótbolti.net

Steini Halldórs: Samkvæmt reglum á að stoppa leikinn

Jói Bjarna: Auðvitað finnst mér þetta erfitt og skrítið

Glódís Perla: Ef við viljum vera áfram í hæsta gæðaflokki þá verðum við að setja fjármagn í þetta

Guðrún: Komið alveg hálft ár síðan við hittumst síðast

Steini landsliðsþjálfari: Trú og hugrekki gegn heimsmeisturunum

Hlín Eiríks: Við leikmenn hefðum viljað hafa verkefni í síðasta glugga

Birta Georgs: Fannst ég ekki geta hafnað því

Elín Helena: Ein heima að gera mig til fyrir fimmtugsafmæli

Sveindís Jane: Erum ekki að fara vinna þær í því og það er í lagi

Sölvi: Við gerðum okkar og nú vonar maður að þeir geri sitt

Venni: Ef þetta eru lög þá þarf að óska eftir lagabreytingu

Benoný Breki: Ég þarf að halda áfram að vera jákvæður

„Það er ekkert lið á Íslandi svona gott"

„Ég skoraði nokkur svona á hana á Hlíðarenda"

„Mér finnst rauður fara henni betur"

Séra Davíð Þór fer yfir viðburðaríka mánuði í Skírisskógi - „Stórhættulegur brandari“

Enski boltinn - Horfðu á þáttinn í mynd

„Jói er Breti og ég elska Breta“

„Viðurkenni að það er erfitt að sjá eftir svona mörgum leikmönnum“

Evrópuævintýri Blika heldur áfram - „Tekur alltaf tíma að koma með nýjar áherslur“

mið 20. september 2023 22:24

Stefán Marteinn Ólafsson

Rúnar: Höfum fulla trú á því að við getum barist um þessi Evrópusæti

Rúnar Kristinsson þjálfari KR

Mynd: Jónína Guðbjörg Guðbjartsdóttir

Það var mikið fjör í kvöld þegar KR heimsóttu nýkringda bikarmeistara Víkings í Víkinni í kvöld í lokaleik 1.umferðar Bestu deildar - efri hluta.

Víkingar þurftu á sigri að halda til að tryggja Íslandsmeistaratitilinn endanlega en KR náðu í gott stig og frestuðu því partýi um stunda að minnska kosti.

Lestu um leikinn: Víkingur R. 2 - 2 KR

„Ánægður að ná í stig og sérstaklega eftir að vera 2-0 undir í hálfleik en ég er eiginlega fúll að við höfum ekki tekið öll þrjú en kannski til full mikils ætlast." Sagði Rúnar Kristinsson þjálfari KR eftir leikinn í kvöld.

„Liðið sýndi mikinn karakter, vilja og hafði trú á verkefninu þrátt fyrir höggið í fyrri hálfleiknum að lenda 2-0 undir að þá stigum við upp í síðari og héldum áfram og gerðum vel í að jafna."

„Ef maður tekur mörkin út fyrir sviga sem er annarsvegar hornspyrna sem að við erum búnir að sjá Víkinga skora úr margoft og vita hvernig við áttum að dekka og að gefa þeim mark eins og við gerðum í fyrri leiknum á KR vellinum þar sem að senterinn þeirra skorar í tómt markið þar sem við erum að reyna senda boltann tilbaka að þá fannst mér leikurinn jafn og mér fannst við ekkert síðri en þeir og mér fannsti við betri en þeir í síðari hálfleik og auðvitað þurfum við að skora tvö mörk og það var smá brekka en mér fannst við spila frábæran síðari hálfleik."

KR hafa ekki mikið verið nefndir í baráttunni um Evrópusæti en stigið í kvöld gaf þeim sjálfstraust fyrir þá baráttu.

„Við klúðruðum tveim stigum í síðustu umferð á móti ÍBV á síðustu mínútu og ef það hefði ekki gerst þá værum við jafnir FH og Stjörnunni að fara inn í þessa úrslitakeppni, misstum tvö stig þar, missum tvö stig núna á meðan FH vinna og það er töluvert langt þarna upp í bæði FH og Breiðablik en það eru 4 leikir eftir fyrir okkur eins og hin liðin. Öll bestu liðin í topp 6 sem eru þarna geta unnið alla og allir geta unnið alla þannig að það er alveg möguleiki í stöðunni við allavega tökum fullt með okkur úr þessum leik sem er jákvætt og við höfum fulla trúa á því að við getum farið þarna upp og barist um þessi Evrópusæti sem að eru í boði og við ætlum að reyna það."