Hann hefur stýrt PEC Zwolle, unglinga-og varaliði Ajax, Reading og nú síðast Feyenoord. Hann hætti með Feyenoord í október og hefur síðan þá leitað sér að nýju félagi en hann hafði verið í viðræðum við Cincinnati í nokkrar vikur.

Það vakti athygli þegar Cincinnati tilkynnti Stam á samfélagsmiðlum því félagið notaði mynd af vitlausum manni. Maðurinn var óneitanlega líkur Stam, sem hafði gaman að þessu.

„Gærdagurinn var erfiður og það var nóg að gera þannig að við ákváðum að nota tvífara," sagði Stam léttur.

Þess má geta að maðurinn sem er svona líkur Stam er Tinus van Teunenbroek, sem er þjálfari í hinni frægu akademíu Ajax í Hollandi.