24.05.24 - 20:57
Brynjar Ingi Erluson
Ítalía: Albert kvaddi Genoa með stoðsendingu og sigri
Albert Guðmundsson kom að átján mörkum í Seríu A á þessu tímabili
Mynd: Getty Images
Albert Guðmundsson kom að átján mörkum í Seríu A á þessu tímabili
Mynd: Getty Images
Genoa 2 - 0 Bologna
1-0 Ruslan Malinovskiy ('13 )
2-0 Vitinha ('59 )
1-0 Ruslan Malinovskiy ('13 )
2-0 Vitinha ('59 )
Íslenski landsliðsmaðurinn Albert Guðmundsson kvaddi stuðningsmenn Genoa með því að leggja upp annað mark liðsins í 2-0 sigri á Bologna í lokaumferð Seríu A í kvöld.
Albert, sem hefur verið einn besti leikmaður deildarinnar á þessu tímabili, var að sjálfsögðu í byrjunarliði heimamanna.
Hann er sagður á förum frá Genoa í sumar en Inter, Juventus, Napoli og Tottenham eru í baráttunni um hann.
Úkraínski leikmaðurinn Ruslan Malinovskiy skoraði fyrra mark Genoa á 13. mínútu leiksins áður en Albert lagði upp annað markið fyrir Vitinha á 59. mínútu.
Albert fékk boltann við miðsvæðið, keyrði í átt að marki áður en hann lyfti boltanum skemmtilega inn fyrir á Vitinha sem setti boltann í netið. Fjórða stoðsending Alberts í deildinni á þessari leiktíð.
KR-ingurinn kláraði tímabilið með með 16 mörk og 5 stoðsendingar í deild- og bikar.
Genoa, sem var nýliði í ár, hafnaði í 11. sæti deildarinnar með 49 stig.
Albert, sem hefur verið einn besti leikmaður deildarinnar á þessu tímabili, var að sjálfsögðu í byrjunarliði heimamanna.
Hann er sagður á förum frá Genoa í sumar en Inter, Juventus, Napoli og Tottenham eru í baráttunni um hann.
Úkraínski leikmaðurinn Ruslan Malinovskiy skoraði fyrra mark Genoa á 13. mínútu leiksins áður en Albert lagði upp annað markið fyrir Vitinha á 59. mínútu.
Albert fékk boltann við miðsvæðið, keyrði í átt að marki áður en hann lyfti boltanum skemmtilega inn fyrir á Vitinha sem setti boltann í netið. Fjórða stoðsending Alberts í deildinni á þessari leiktíð.
KR-ingurinn kláraði tímabilið með með 16 mörk og 5 stoðsendingar í deild- og bikar.
Genoa, sem var nýliði í ár, hafnaði í 11. sæti deildarinnar með 49 stig.
