Eric Garcia skorar sigurmark Girona
Mason Greenwood í leiknum gegn Athletic Bilbao
Spænska félagið Girona náði sögulegum árangri í kvöld er liðið lagði Villarreal að velli, 2-1, í La Liga á Spáni, en þetta er í fyrsta sinn í sögunni sem félagið er á toppnum eftir heila umferð.
Dani Parejo kom Villarreal í 1-0 með marki úr vítaspyrnu snemma í síðari hálfleik, en Artem Dovbyk jafnaði metin sjö mínútum síðar og gerði þá varnarmaðurinn Eric Garcia sigurmarkið þegar hálftími var eftir.
Girona hefur unnið sex og gert eitt jafntefli í deildinni og trónir nú á toppnum að umferð lokinni. Þetta er í fyrsta sinn í sögu félagsins sem það afrekar þetta.
Real Madrid er í öðru sæti með 18 stig eftir að hafa unnið nýliða Las Palmas, 2-0. Brahim Diaz og Joselu skoruðu mörk Madrídinga í leiknum.
Enski sóknarmaðurinn Mason Greenwood var í fyrsta sinn í byrjunarliði Getafe sem gerði 2-2 jafntefli við Athletic Bilbao og þakkaði kærlega fyrir traustið með því að leggja upp fyrsta mark liðsins á 51. mínútu.
Greenwood kláraði leikinn og virðist því vera kominn í fínasta leikform.
Athletic 2 - 2 Getafe
1-0 Yuri Berchiche ('6 )
1-1 Pedro Gaston Alvarez Sosa ('51 )
2-1 Inaki Williams ('62 )
2-2 Juan Miguel Latasa Fernandez Layos ('83 )
Rautt spjald: Oihan Sancet, Athletic ('45)
Villarreal 1 - 2 Girona
1-0 Dani Parejo ('49 , víti)
1-1 Artem Dovbyk ('56 )
1-2 Eric Garcia ('61 )
Real Madrid 2 - 0 Las Palmas
1-0 Brahim Diaz ('45 )
2-0 Joselu ('54 )
Athugasemdir
