Ismaila Sarr skoraði eftir hornspyrnuna umdeildu
Bikarmeistarar Crystal Palace leiða gegn Liverpool, 1-0, á Selhurst Park, en markið kom eftir umdeilda hornspyrnu.
Ismaila Sarr skoraði markið eftir hornspyrnu á 9. mínútu leiksins, en Liverpool mistókst að hreinsa frá og var það Sarr sem nýtti sér það með skoti af stuttu færi.
Aðdragandinn er umdeildur því af endursýningum að dæma átti Palace alls ekki að fá hornspyrnu. Boltinn fór af Tyrick Mitchell sem var í baráttunni við Conor Bradley.
Arne Slot, stjóri Liverpool, fékk gult spjald fyrir að mótmæla ákvörðun dómarans, en Hollendingurinn hafði eitthvað til síns máls.
Það breytir því hins vegar ekki að Palace hefur verið betra liðið og rúmlega það. Alisson Becker hefur komið Liverpool til bjargar þrisvar eða fjórum sinnum í leiknum og í raun ótrúlegt að staðan sé enn bara 1-0 fyrir Palace.
Atvikið í kringum mark Palace má sjá hér fyrir neðan.
Absolute scam! Liverpool conceded a goal from corner which was not a corner! Additionally, Slot was shown a yellow for objecting it ???? #CRYLIV pic.twitter.com/VieeYOsY7s
— The Final Whistle (@Rufus_45) September 27, 2025
Athugasemdir
