„Tilfinningin er súr. Mér fannst við spila flottan leik og mættum þeim vel. Bara tvö hörkulið að spila. Súr en stoltur samt.“ sagði Konráð Freyr Sigurðsson, þjálfari Tindastóls, eftir 2-0 tap gegn Víkingi Ólafsvík í úrslitaleik Fótbolta.net bikarnum.
Lestu um leikinn: Víkingur Ó. 2 - 0 Tindastóll
„Þetta var pínu lokað í fyrri hálfleik. Allir voru að stilla spennustigið og venjast vellinum. En í seinni fengum við góð færi sem við gátum nýtt okkur betur en þeir gerðu bara vel, vel gert.“
Stólarnir gerðu tvö sterk vítaköll í seinni hálfleiknum sem Konráð segir vera bæði víti. Hann kemur inn á það að í fyrra vítakallinu hafi Gunnar Oddur, fjórði dómarinn, sagt við þjálfara Tindastóls að honum hafi fundist þetta vera víti.
„Þetta voru bara tvö víti sem hefðu getað breytt leiknum en hann bara þorði ekki að dæma þarna. Hann (fjórði dómarinn) sagði í fyrra skiptið að honum hafi fundist það vera víti. Ég skil ekki hvernig það er ekki hægt að hjálpast að við það og dæma þá bara saman. En ég fékk ekki mikið um svör í seinna dæminu en við sáum það ekkert brjálaðslega vel. En við sjáum peysuna bara fara aftur á bak og þetta er bara víti, tvö víti og þá er þetta 2-2 og game on. Bara súrt en virkilega stoltur. Við erum ekki að fara að setja þetta á dómarann við bara töpuðum þessum leik. Bara hrós á dómarann, gott lið. Tvö góð lið að spila glæsilegan leik.“
Fannst Konráði Nikola, markmaður Tindastóls, átt að gera betur í fyrra markinu?
„Ég er ekkert búinn að sjá það almennilega. Ég held að þetta sé bara once in a lifetime, hann hitti hann bara óvart í fjærhornið. En góður spyrnumaður. Eigum við ekki bara að segja vel gert hann einhvernveginn.“
Hvað tekur við núna þegar tímabilinu er formlega lokið?
„Smá hlé. Þetta er búið að vera langt og lærdómsríkt tímabil sem við tökum með okkur inn í næsta tímabil. Við erum með frábært lið sem við getum byggt ofan á.“ sagði Konráð að lokum.
Viðtalið við Konráð má finna í heild sinni í spilaranum hér að neðan
Athugasemdir
