„Virkilega, virkilega leiðinlegt að hafa tapað þessu,'' segir Anna Þóra Hannesdóttir, fyrirliði ÍA, eftir 2-1 tap gegn Gróttu í 5. umferð Lengjudeildarinnar.
Lestu um leikinn: Grótta 2 - 1 ÍA
„Við áttum góðan fyrri hálfleik, en í seinni hálfleiknum þá slökknar á okkur. Við byrjuðum ekki nógu sterkt í byrjun seinni hálfleiks þannig við misstum þetta og þær tóku yfirhöndina.''
Grótta fékk víti í blálokin og var spurt Önnu hvað henni fannst um dóminn.
„Galinn. Einhver að segja að þetta hafi ekki verið rangstaða, sumir segja að þetta hafi verið rangstaða. Ég sá bara enga af okkur fyrir innan. Markmaðurinn okkar ver boltann en hann fer inn, þannig mjög svekkjandi.''
ÍA situr í næst neðsta sæti í deildinni, með 4 stig eftir 5 leiki.
„Við erum búnar að standa okkur vel en mér finnst við bara helvíti óheppnar. Við þurfum bara að bæta í og ekki gefast upp.''
Hægt er að horfa á viðtalið í heild sinni hér fyrir ofan.
