Víglundur Páll Einarsson, þjálfari Fjarðabyggðar, var að vonum svekktur eftir 2-2 jafntefli gegn Leikni Fáskrúðsfirði í Inkasso-deildinni.
Fjarðabyggð komst tveimur mörkum yfir en missti forystuna niður í síðari hálfleik þrátt fyrir að hafa verið vaðandi í færum allan leikinn.
Fjarðabyggð komst tveimur mörkum yfir en missti forystuna niður í síðari hálfleik þrátt fyrir að hafa verið vaðandi í færum allan leikinn.
„Mér líður illa, ég er vonsvikinn, sár og svekktur, það eru fyrstu viðbrögð," sagði Víglundur að leikslokum.
„Þetta er orðið mjög pirrandi en þetta voru náttúrulega gríðarlega erfiðar aðstæður í dag. Þeir voru með mann sem gat kastað boltanum hvert sem hann vildi og bæði mörkin þeirra eru þannig að það er langt innkast sem er erfitt að eiga við."
Fjarðabyggð missir markvörð út í nám og Gilles Mbang Ondo kemst ekki til félagsins vegna vegabréfsvandamála, en Víglundur segir að félagið sé tilbúið með lausnir þó hann vilji ekki ræða þær nánar að svo stöddu.
„Ég vil nú helst bara tala um leikinn, mér fannst við skapa okkur fullt af góðum færum í þessum leik. Við eigum að skora fleiri mörk, þetta eru færi sem við þurfum að nýta til að vinna svona leiki."
