Fótbolti.net

Jökull: Menn klára páskaeggin í kvöld og svo erum við klárir

Álitið - Hvaða lið veldur mestu vonbrigðum?

Hallgrímur Mar eftir að hafa byrjað á bekknum: „Hvað heldur þú?“

KA menn klöppuðu hreindýrum fyrir 0-5 sigurinn

Kristófer Ingi: Ekkert heyrt um samning og fókusa á að spila

Todor Hristov eftir 0-5 tap: „Aðeins dýrara lið en okkar“

Linta svekktur: Ánægður með spilamennskuna

Gylfi fékk högg og bólgnaði - „Það þarf bara að skoða það“

Alex Freyr: Draugar síðustu leikja sem koma

„Of margir sem eru spurningamerki sem er ekki gott þegar mótið er að hefjast“

Venni eftir sigur í Eyjum: Er alveg í skýjunum

Elías Már um samkeppnina: Erum tveir ólíkir framherjar og styðjum við bakið á hvor öðrum

Óli Skúla um danskan framherja: Þú ert þá að segja mér fréttir

Siggi Höskulds: Það er fokking óþolandi

„Ákvað að skjóta í markmanninn og það virkaði"

Þrennt sem stóð upp úr hjá Jóa Kalla

Álitið: Hver verður stoðsendingahæstur?

Bestur í Mjólkurbikarnum - „Klúbbur sem á ekkert að vera í þessari deild“

Tap í uppbótartíma en Konni er stoltur

Fyrirliðinn Eiður Aron: Við ætlum að vinna þessa deild

sun 12. maí 2024 22:14

Guðmundur Aðalsteinn Ásgeirsson
Víkingsvelli

Sölvi stoltur af flottu svari - „Ég hef ekki enn heyrt í Arnari"

Sölvi Geir ræddi við stuðningsmenn fyrir leik.

Mynd: Fótbolti.net - Hafliði Breiðfjörð

Sölvi og Arnar Gunnlaugsson.

Mynd: Fótbolti.net - Hafliði Breiðfjörð

Víkingar fagna marki í kvöld.

Mynd: Fótbolti.net - Hafliði Breiðfjörð

„Tilfinningin er hrikalega góð. Þetta var rosalega erfiður leikur," sagði Sölvi Geir Ottesen, aðstoðarþjálfari Víkings, eftir 2-0 sigur gegn FH í Bestu deildinni í kvöld. Hann stýrði Víkingum í fjarveru Arnars Gunnlaugssonar sem var í leikbanni.

Lestu um leikinn: Víkingur R. 2 - 0 FH

„FH-ingarnir eru búnir að vera hrikalega flottir, eru massívir og öflugir. Þeir gáfu okkur alvöru leik í dag. Þeir eru líkamlega sterkir; við vorum að senda langa bolta upp og þeir voru að éta okkur. Við fundum leið í fyrri hálfleik og það var ánægjulegt. Seinni hálfleikurinn var rosalegt járn í járn. Síðan lendum við í rauða spjaldinu og þá verður þetta virkilega erfitt, en ég er rosalega ánægður með það hvernig strákarnir tækluðu þetta. Þeir fóru ekki í felur, settu bara kassann út og tóku þetta á sig."

„Strákarnir geta verið stoltir af þessu. Það er frábært hvernig þeir brugðust við tapinu gegn HK. Svona á að gera þetta," sagði Sölvi.

Ingvar Jónsson kom aftur inn í lið Víkings eftir að hafa byrjað á bekknum í síðasta leik. Hann varði frábærlega í stöðunni 0-0. „Það var risastórt," sagði Sölvi.

„Enn og aftur kemur Ingvar til bjargar. Hann hefur sýnt það í gegnum tímann með Víkingum hversu öflugur og mikilvægur hann er. Í dag gerði hann það sem hann átti að gera, hann hélt búrinu hreinu."

Það eru fiðrildi í maganum
Sölvi stýrði Víkingum í fjarveru Arnars Gunnlaugssonar sem var í leikbanni. Sölvi var rólegur og yfirvegaður á hliðarlínunni í leiknum í kvöld.

„Utan á allavega. Það eru fiðrildi í maganum og manni er ekki alveg sama. Ég er rólegur og er að reyna að einbeita mér að leiknum," sagði Sölvi.

Arnar, aðalþjálfari Víkinga, var ekki í neinu sambandi við bekkinn. Víkingar fengu sekt fyrir það í fyrra að Arnar var í leikbanni og samt í sambandi við bekkinn.

„Við komum saman fyrir leikinn og fórum yfir hlutina sem við ætluðum að gera. Hann sagði við okkur að hann yrði ekki í neinu sambandi við okkur, hann ætlaði að fara alveg eftir reglunum og hann gerði það. Ég hef ekki enn heyrt í Arnari og ekki bekkurinn heldur. Hann tók þetta á sig og treysti teyminu til að stýra þessu. Það heppnaðist ágætlega."

Hægt er að hlusta á viðtalið í heild sinni í spilaranum hér að ofan en Víkingar eru komnir aftur á toppinn eftir þennan sigur.