Ísland 3 - 0 Norður-Írland
(5-0 samanlagt)
1-0 Sveindís Jane Jónsdóttir ('32)
2-0 Hlín Eiríksdóttir ('58)
3-0 Emilía Kiær Ásgeirsdóttir ('73, víti)
(5-0 samanlagt)
1-0 Sveindís Jane Jónsdóttir ('32)
2-0 Hlín Eiríksdóttir ('58)
3-0 Emilía Kiær Ásgeirsdóttir ('73, víti)
Lestu um leikinn: Ísland 3 - 0 Norður-Írland
Íslenska kvennalandsliðið heldur sæti sínu í A-deild Þjóðadeildarinnar eftir þægilega sigra gegn Norður-Írlandi.
Stelpurnar okkar gerðu vel að halda markinu hreinu í báðum leikjum og unnu 3-0 í dag eftir að hafa sigrað 0-2 í fyrri leiknum á útivelli.
Sveindís Jane Jónsdóttir skoraði fyrsta markið á Þróttarvelli eftir rúmlega hálftíma en íslenska liðið var talsvert sterkari aðilinn fram að því og skapaði góð færi sem nýttust þó ekki.
Sveindís skoraði af stuttu færi eftir flottan undirbúning frá Hlín Eiríksdóttur á vinstri vængnum.
Sveindís Jane Jónsdóttir er búin að koma Íslandi 1-0 yfir á móti Norður-Írlandi. pic.twitter.com/knzUo7jEIF
— RÚV Íþróttir (@ruvithrottir) October 29, 2025
Norður-Írarnir fengu eitt gott færi í fyrri hálfleik og byrjuðu seinni hálfleikinn á því að komast í gegn, en Cecilía Rán Rúnarsdóttir var örugg á milli stanganna og handsamaði boltann.
Hlín tvöfaldaði svo forystu Íslands eftir langt innkast frá Sveindísi en Hildur Antonsdóttir gerði vel að vinna fyrsta boltann til að koma honum áfram til Hlínar.
Hlín Eiríksdóttir kom Íslandi í 2-0. pic.twitter.com/bisu8rXybE
— RÚV Íþróttir (@ruvithrottir) October 29, 2025
Þriðja markið lá í loftinu og var dæmd vítaspyrna eftir brot á Karólínu Leu Vilhjálmsdóttur, sem var mjög lífleg í leiknum, innan vítateigs. Emilía Kiær Ásgeirsdóttir steig á punktinn og skoraði örugglega.
Ísland hefði getað bætt fjórða markinu við en gerði ekki, svo lokatölur urðu 3-0.
Staðan er orðin 3-0. Emilía Kiær Ásgeirsdóttir með mark úr vítaspyrnu. pic.twitter.com/VPXPgMtY2C
— RÚV Íþróttir (@ruvithrottir) October 29, 2025
Athugasemdir
