„Var kennt það fyrir ansi mörgum árum að vera ánægður með sigur"

„Ef þetta hefði verið fullkominn leikur þá hefðum við skorað fleirri mörk, mér fannst við hafa möguleika á að gera það. Mér fannst við nýta mjög margar sóknir illa." Sagði Kristján Guðmundsson þjálfari Stjörnunnar eftir leikinn í kvöld.

„Leikurinn var opin fram og tilbaka hérna í lokin og þá hefðum við getað gert betur og ég hefði þó líka viljað sjá aðeins tryggari varnarleik en við fengum þó ekki á okkur mark en mér var kennt það fyrir ansi mörgum árum að vera ánægður með sigur þó það sé ansi margt í leiknum sem maður hefði viljað sjá betur."

Stjarnan skoraði snemma í leiknum og Kristján sagði það skipta gríðarlega miklu máli.

„Það skiptir alveg gríðarlega miklu máli að við höfum náð að kreista hann þarna yfir línuna því Keflavíkurliðið skiptist á að spila mjög háa pressu eða skyndisóknarbolta og það er erfitt að fara í gegnum þær og skipti miklu máli."

Nánar er rætt við Kristján Guðmundsson þjálfara Stjörnunnar í spilaranum hér fyrir ofan.