„Tilfinningin er erfið, langaði svo að vinna þennan leik og við vorum komin hárskref á leið en á sama skapi er ég gríðarlega ánægður með mitt lið, þær voru frábærar. Þær lögðu sig meira en hundrað prósent í verkefnið, maður verður hálf klökkur" sagði Jón Ólafur eftir tap á útivelli gegn Breiðablik.
Jón Ólafur um þegar hvað gerðist eftir að ÍBV skora annað markið sitt
„Reynsluleysi kannski. Maður gerir sig ekki grein fyrir þegar maður stendur hér fyrir utan og ekki grein fyrir hvað gerist inn á vellinum alveg nákvæmlega. Mig grunar kannski að við ætlað okkur aðeins of mikið í stað þess að vara okkur á hættunni. Þegar Breiðablik fær á sig mark númer tvö þá koma þær enn þá beinskeyttari upp og við vorum kannski ekki alveg tilbúnar í það á þessari stundu".
Lestu um leikinn: Breiðablik 3 - 2 ÍBV
Jón Ólafur var ánægður með karakterinn í stelpunum
„Maður verður hálf klökkur, karakterinn í þessum stelpum er rosalegur og það er stórkostlegt að þjálfa þær. Það getur verið spáð og spekúlerað af hverju við þurfum hlaupa í dag, lyfta á morgun eða taka aukaæfingar, það er mætt og hlutirnir gerðir. Það er fagmennska yfir þeim þrátt fyrir reynsluleysi. Það er þessi karakter í þessum stelpum sem fleytir þeim svona langt".
Jón Ólafur var stoltur af sínum stelpum
„Stoltur af mínum leikmönnum, hefði kannski sjálfur mátt gera aðeins betur. Hrikalega sár og svekktur að hafa ekki unnið þennan leik".
