England: Algjört hrun hjá Everton - Villa hélt út gegn Leicester

Fimm leikjum var rétt í þessu að ljúka í ensku úrvalsdeildinni. Bournemouth sigraði Everton eftir ótrúlega endurkomu. Everton komst í 2-0 en á lokakaflanum skoraði Bournemouth og vann 2-3 útisigur á Goodison Park. Bournemouth byrjar þetta tímabil nokkuð vel en það er dökkt yfir hjá Everton.

Brentford vann 3-1 sigur á Southampton á heimavelli í dag þar sem Bryan Mbeumo, mikilvægasti leikmaður liðsins, skoraði tvö mörk og Yoane Wissa eitt. Hákon Rafn Valdimarsson var á bekknum hjá Brentford.

Nýliðar Ipswich eru komnir á blað í deildinni eftir jafntefli gegn Fulham á heimavelli. Liam Delap kom heimamönnum en Adama Traore jafnaði fyrir Fulham.

Á King Power leikvanginum tóku heimamenn á móti Aston Villa og leiddu gestirnir í hálfleik með marki frá Amadou Onana. Jhon Duran kom gestunum í 0-2 en Facundo Buonanotte minnkaði muninn á 73. mínútu. Heimamenn í Leicester bönkuðu fast en náðu ekki að koma inn jöfnunarmarki.

Loks gerðu Nottingham Forest og Wolves 1-1 jafntefli í Nottingham. Lokaleikur dagsins fer svo fram í London þar sem Manchester City heimsækir West Ham.