Lukaku kom til Napoli frá Chelsea undir lok gluggans og endurnýjaði þá kynni sín við Antonio Conte, en þeir tveir unnu saman hjá Inter og urðu þar deildarmeistarar árið 2021.

Framherjinn byrjaði á bekknum gegn Parma í kvöld en var kynntur til leiks á 62. mínútu í stöðunni 1-0 fyrir Parma.

Á annarri mínútu í uppbótartíma jafnaði Lukaku metin eftir stoðsendingu Leonardo Spinazzola áður en Andre-Frank Zambo Anguissa gerði sigurmarkið fjórum mínútum síðar.

Það er ágætt að taka það fram að framherjinn Victor Osimhen, sem var í viðræðum um að fara bæði til Chelsea og Al-Ahli, var ekki í hóp hjá Napoli.

Þórir Jóhann Helgason var ekki í hópnum hjá Lecce sem vann 1-0 sigur á Cagliari. Lazio og Milan gerðu þá 2-2 jafntefli. Rafael Leao bjargaði stigi fyrir Milan með marki á 72. mínútu en Milan er aðeins með tvö stig úr þremur leikjum.

Bologna 1 - 1 Empoli
1-0 Giovanni Fabbian ('2 )
1-1 Emmanuel Gyasi ('3 )

Lazio 2 - 2 Milan
0-1 Strahinja Pavlovic ('8 )
1-1 Valentin Castellanos ('62 )
2-1 Boulaye Dia ('66 )
2-2 Rafael Leao ('72 )

Lecce 1 - 0 Cagliari
1-0 Nikola Krstovic ('26 )
Rautt spjald: Patrick Dorgu, Lecce ('45)

Napoli 2 - 1 Parma
0-1 Ange Bonny ('19 , víti)
1-1 Romelu Lukaku ('90 )
2-1 Andre Zambo Anguissa ('90 )
Rautt spjald: Zion Suzuki, Parma ('75)