Þetta eru afar góðar fréttir fyrir Úlfanna sem hafa verið að gera frábæra hluti á sínu fyrsta tímabili aftur í ensku úrvalsdeildinni eftir sex ára fjarveru.

Coady og Doherty eru báðir mikilvægir hlekkir í byrjunarliðinu og hafa verið undanfarin ár. Samanlagt eiga þeir yfir 400 leiki að baki fyrir félagið.

Doherty hefur þótt sérstaklega öflugur á tímabilinu þar sem hann hefur verið að spila frábærlega sem hægri vængbakvörður. Þá hefur hann einnig staðið sig vel þegar hann er færður yfir á vinstri vænginn.

Úlfarnir eru í sjöunda sæti úrvalsdeildarinnar, með 39 stig eftir 26 umferðir.