Norska kvennalandsliðið hefur orðið fyrir áfalli því Emilie Haavi leikur ekki meira með liðinu á HM sem fram fer í Frakklandi. Hún sleit krossband á æfingu með norska landsliðinu í gær.
Þetta er mikið áfall fyrir norska liðið en hún var í byrjunarliði liðsins í 3-0 sigri gegn Nígeríu í fyrsta leik liðsins á HM. Haavi kom hinsvegar ekkert við sögu í 2-1 tapi gegn Frakklandi í fyrrakvöld.
Noregur er með þrjú stig að loknum fyrstu tveimur umferðunum með jafn mörg stig og Nígería. Noregur mætir Suður-Kóreu í lokaumferðinni á mánudaginn.
Haavi er 26 ára gömul og á að baki 82 leiki með norska landsliðinu og hefur í þeim skorað 16 mörk.
Athugasemdir