Framtíðin er í óvissu hjá þýska markverðinum eftir að hann rifti lánssamningi sínum hjá Besiktas í Tyrklandi.
Hertha Berlin er sagt hafa áhuga á hinum 26 ára Karius en nokkuð ljóst þykir að Karius eigi ekki afturkvæmt til Liverpool. Síðasti leikur Karius fyrir Liverpool var gegn Real Madrid í úrslitaleik Meistaradeildarinnar vorið 2018, en sá leikur fór hörmulega fyrir Karius.
Michael Preetz, sem er yfirmaður knattspyrnumála hjá Hertha, segir að félagið hafi engan áhuga á Karius.
„Við erum að leita að markverði en hann sá markvörður heitir ekki Karius," sagði Preetz í þýskum fjölmiðlum.
Samningur Karius við Liverpool rennur út sumarið 2022.
Athugasemdir