Fótbolti.net

Gylfi sáttur með sigurinn: „Þessi seinni hálfleikur var mjög langur"

Jói hrósaði nýliðunum: Þær tóku fyrri hálfleikinn bara í nefið

Einar Guðna: Vindurinn tók boltann bara til baka

Anton Ingi pirraður: Við verðum að hafa kassann út í 90 mínútur

Matti Guðmunds svekktur: Lögðum líf og sál í þetta en fótboltinn er brútal

Margrét Brynja orðlaus: Gáfum allt í þetta og getum gengið stoltar af velli

Hrafnhildur Ása: Búin að bíða eftir stærra hlutverki og mitt að grípa það

Jón Óli: Þurfum að finna einhvern til að nudda á henni rassgatið

Alli Jói: Markmiðið er að berjast um hærra á töflunni

Linta hefur ekki áhyggjur - „Ekki í mínum höndum"

Valdimar færði KA ró - „Hefði viljað sjá okkur vera aðeins stærri"

Grímsi ósáttur með spilamennskuna - „Ætlum að halda okkur í topp sex"

Óskar Smári: Súrt tap og eigum hálfklárað verkefni fyrir norðan

Guðni eftir útisigur: „Algjört skólabókadæmi um að nýta breidd“

Guðný: Held það hafi enginn gert ráð fyrir þessu

Venni: Þurfum að hreiðra um okkur á toppnum

Elfar Árni: Viljum ekki hafa einhvern sem vill ekki vera hérna

Gunnar Heiðar talar um barnaleg mistök - „Verðum að gera betur í meistaraflokki"

Badu fann fyrir létti - „Ég á ekki að bregðast svona við"

Nenad: Er kominn með afsökun til að bekkja allt liðið

fim 01. júní 2023 23:10

Sölvi Haraldsson

Hans Viktor: Það var mjög sætt að sjá boltann í netinu

Mynd: Fótbolti.net - Hafliði Breiðfjörð

Hans Viktor Guðmudsson, fyrirliði Fjölnis, átti magnaðan leik í kvöld í 2-1 sigri Fjölni á ÍA. Fyrirliðinn kíkti í viðtal eftir leik og var í skýjunum með að hafa náð að landa sigrinum við krefjandi aðstæður.

„Bara mjög ánægður. Þetta var auðvitað erfiður leikur og að ná að klára þetta var bara frábært.“

Lestu um leikinn: ÍA 1 - 2 Fjölnir

Skagamenn voru betri aðilinn í seinni hálfleik, það hlýtur að hafa verið sætt að sjá boltann í netinu þegar Guðmundur skoraði í lokin.

„Já það var mjög sætt. Það er auðvitað ákveðinn léttir og þeir fá síðan líka víti undir lokin þannig það er stutt á milli í þessu.“

Sigurjón átti geggjaðan leik í dag, hvernig er að vera með Sigurjón fyrir aftan sig á milli stanganna?

„Það er bara mjög gott. Hann var frábær í dag og átti frábærar vörslur. Skallinn sérstaklega í síðari hálfleik, það er bara mjög gott að hafa hann fyrir aftan sig.“

Hvernig fannst þér leikurinn spilast?

„Mér fannst við koma sterkir inn í byrjun fyrri hálfleiks, 15 - 20 mínútur eða eitthvað svoleiðis. Svo eftir markið þá setjumst við svolítið niður. Leikurinn var síða bara þannig restina af leiknum. Auðvitað hefði maður viljað spil betri fótbolta en það er bara frábært að ná að klára þetta.“

Grótta er næsti andstæðingur, hvernig sérðu þann leik fyrir þér?

„Allir leikir í þessari deild eru erfiðir þannig ég býst bara við mjög efiðum leik.“

Var eitthvað sérstakt sem þú varst sáttur með í dag frá sjálfum þér eða liðinu?

„Já þá bara helst liðinu. Hvað við lögðum mikið í þetta og vorum grimmir út um allan völl og þá líka liðsheildin.“

Hvað fannst þér fara úrskeðis í hálfleik þegar Skagamenn taka öll völd í upphafi síðari hálfleiks? Var eitthvað sérstakt sem vantaði upp á hjá ykkur í dag?

„Við áttum í dálitlum erfiðleikum með að telja í pressunni. Þeir fengu oft að fara hátt upp á völlinn með boltann. Það er eitthvað sem fór úrskeðis og hefðum átt að gera betur fannst mér.“

Hvernig sást þú þennan vítaspyrnudóm undir lokin?

„Mér fannst hann bara fara í boltann og hann fór í boltann. En dómarinn gaf engar útskýringar á dómnum.“ sagði Hans Viktor, fyrirliði Fjölnis, eftir sigur á Skagamönnum í kvöld.