Það eru aðeins fimm umferðir eftir af tímabilinu og er sögufrægt lið Sevilla í fallsæti sem stendur.

Girona spilar við Mallorca í fallbaráttuslag í kvöld áður en Levante heimsækir Villarreal og Valencia fær mögulega varalið Atlético Madrid í heimsókn, þar sem Diego Simeone þjálfari gæti hvílt lykilmenn fyrir undanúrslit Meistaradeildinnar á Emirates.

Athletic Bilbao heimsækir nágranna sína í fallbaráttuliði Alavés og þarf Athletic sárlega á sigri að halda í baráttunni um Evrópusæti, áður en Spánarmeistarar Barcelona spila við Osasuna.

Getafe og Celta Vigo eiga heimaleiki í baráttunni um sæti í Sambandsdeildinni og eru aðeins fimm stigum fyrir ofan andstæðinga helgarinnar, en andstæðingarnir eru í fallbaráttu. Deildin á Spáni hefur verið ótrúlega jöfn á tímabilinu.

Real Madrid mætir til leiks á sunnudagskvöldið áður en Orri Steinn Óskarsson og félagar í Real Sociedad eiga lokaleik helgarinnar kvöldi síðar.

Sociedad er ekki í neinni sérstakri baráttu eftir að liðið vann óvænt spænska bikarinn í fjórða sinn í sögunni. Sá sigur gefur liðinu þátttökurétt í deildarkeppni Evrópudeildarinnar næsta haust.

Orri og félagar heimsækja Sevilla sem er óvænt í fallsæti, einu stigi frá öruggu sæti.

Föstudagur
19:00 Girona - Mallorca

Laugardagur
12:00 Villarreal - Levante
14:15 Valencia - Atletico Madrid
16:30 Alaves - Athletic Bilbao
19:00 Osasuna - Barcelona

Sunnudagur
12:00 Celta Vigo - Elche
14:15 Getafe - Rayo Vallecano
16:30 Real Betis - Real Oviedo
19:00 Espanyol - Real Madrid

Mánudagur
19:00 Sevilla - Real Sociedad