Það var Al Sailiya sem tók forystuna í leiknum en Al Arabi jafnaði metin á 24. mínútu og var staðan 1-1 í hálfleik.

Aron Einar lagði svo upp mark fyrir Youssef Msakni á 62. mínútu. Fjórum mínútum síðar skoraði Mohamed Salah þriðja mark Al Arabi í leiknum.

Msakni skoraði fjórða markið áður en flautað var til leiksloka og lokatölur 1-4 fyrir Al Arabi sem er komið áfram í undanúrslit Emir-bikarsins.

Al Arabi komst í úrslitaleikinn í þessari keppni á síðasta tímabili og tapaði þá fyrir lærisveinum Xavi í Al Sadd, sem eru einnig komnir áfram í undanúrslit. Heimir Hallgrímsson er þjálfari Al Arabi og eru þeir Bjarki Már Ólafsson og Freyr Alexandersson aðstoðarmenn hans.