Fótbolti.net heimsótti hótelið í dag.
Íslenska landsliðið dvelur við toppaðstæður á fimm stjörnu hóteli í sveitasælunni rétt fyrir utan Glasgow. Það er að búa sig undir að mæta Skotlandi í vináttulandsleik á föstudagskvöld.
„Hótelið er geggjað og það er flottur golfvöllur hérna," sagði landsliðsmarkvörðurinn Hákon Rafn Valdimarsson í viðtali við Fótbolta.net en einhverjir landsliðsmenn skelltu sér einmitt í golf í dag.
„Hótelið er geggjað og það er flottur golfvöllur hérna," sagði landsliðsmarkvörðurinn Hákon Rafn Valdimarsson í viðtali við Fótbolta.net en einhverjir landsliðsmenn skelltu sér einmitt í golf í dag.
Mar Hall eins og hótelið heitir er nýbúið að ganga í gegnum miklar endurbætur eftir að fjárfestar frá Dúbaí keyptu það. Það er staðsett í skóglendi og áin Clyde og falleg náttúra allt í kring.
Hótelið er vinsælt hjá fræga og ríka fólkinu en Beyonce, George Clooney, Kylie Minogue, Whitney Houston, Harry Styles, Brad Pitt, Katy Perry, Liam Gallagher og Ed Sheeran eru meðal þeirra sem hafa dvalið á því.
Skoska landsliðið hefur notað hótelið og einnig fleiri fótboltalið, þar á meðal Real Madrid, AC Milan og Liverpool.
Rétt við hótelið er glæsilegur golfvöllur.
Gangurinn sem tekur á móti hótelgestum.
Móttakan er ansi smekkleg.
Landsliðsmenn geta gluggað í skoskar bókmenntir til að dreifa huganum.
Tveir barir eru á hótelinu.
Alls eru 74 herbergi á hótelinu.
Hér er hægt að fá sér te í hæsta gæðaflokki.
Athugasemdir
