Heimir Guðjónsson, þjálfari Vals, var svekktur eftir 4-1 tap gegn ÍA á heimavelli í Pepsi Max-deildinni í kvöld.

Liðinu sem var spáð Íslandsmeistaratitlinum í flestum spám hefur núna tapað fyrstu tveimur heimaleikjum sínum og er með sex stig eftir fjóra leiki.

Lestu um leikinn: Valur 1 -  4 ÍA

„Í þessum leik þarf að leggja á sig ákveðna grunnvinnu og við vorum ekki klárir þegar leikurinn byrjaði. Við gáfum klaufalegt mark í byrjun og eftir það versnaði þetta. Þegar þú færð á þig fjögur mörk eru ekki miklar líkur á því að þú sért að vinna fótboltaleiki," sagði Heimir eftir leikinn.

„ÍA hefur sýnt það í þessum leikjum sem þeir hafa spilað að þeir eru með öflugt lið með fríska stráka, sérstaklega fram á við. Þeir komu hérna og þorðu að spila góðan fótbolta."

„Auðvitað eigum við að vinna á heimavelli. Við þurfum að átta okkur stöðunni að við erum búnir að spila tvo heimaleiki og tapa þeim báðum. Við þurfum að fara í grunninn aftur."

Viðtalið má sjá í heild sinni hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit