Mesut Özil, leikmaður Istanbul Basaksehir í Tyrklandi, hefur óskað eftir því að rifta samningi sínum við félagið og hefur þá tekið ákvörðun um að leggja skóna á hilluna.
Ævintýri Özil síðustu ár hefur einkennst af miklum vonbrigðum síðustu tvö ár.
Hann rifti samningi sínum við Arsenal í janúar fyrir tveimur árum eftir að hafa verið í frystinum hjá Mikel Arteta, stjóra félagsins.
Özil samdi þá við Fenerbahce en náði aldrei að finna sig þar og var settur í bann eftir að hafa rifist við þjálfara félagsins. Hann sleit sig lausan frá Fenerbahce á síðasta ári og samdi við Basaksehir, en aðeins komið við sögu í fjórum leikjum á tímabilinu vegna meiðsla.
Nú hefur hann óskað eftir því að rifta samningi sínum við félagið og er það síðasta verk hans á ferlinum. Özil hefur tekið ákvörðun um að leggja skóna á hilluna en ekki er ljóst hvað tekur við eftir ferilinn.
Özil vann FA-bikarinn þrisvar með Arsenal á átta árum sínum þar og þá varð hann Spánar- og bikarmeistari með Real Madrid ásamt því að vinna þýska bikarinn með Werder Bremen. Özil varð þá heimsmeistari með þýska landsliðinu á HM 2014.
Athugasemdir
