Fotbolti.net
04.07.19 - 13:09
Magnús Már Einarsson

Robert Blakala í Vestra (Staðfest)

Robert Blakala í leik með Njarðvík í fyrra.

Robert Blakala í leik með Njarðvík í fyrra.

Canon

Mynd: Fótbolti.net - Hafliði Breiðfjörð

Vestri hefur samið við pólska markvörðinn Robert Blakala en félagið greindi frá þessu í dag.
Robert varði mark Njarðvíkur í Inkasso-deildinni í fyrra og var sex sinnum valinn í lið umferðarinnar hér á Fótbolta.net.

Robert er 25 ára gamall en hann spilaði síðast með Bochenski í Póllandi.

Vestri hefur einnig greint frá því að ítalski markvörðurinn Giacomo Ratto baðst lausnar undan samningi á dögunum og hélt hann heim á leið í dag.

Ratto hefur verið varamarkvörður Vestra í sumar en Brentton Muhammad hefur verið aðalmarkvörður.

Vestri er í 3. sæti í 2. deildinni en liðið steinlá óvænt 5-1 gegn KFG í síðustu umferð. Vestri mætir toppliði Leiknis frá Fáskrúðsfirði á heimavelli á laugardag og þar gæti Robert spilað sinn fyrsta leik.
Blakala skrifaði undir hjá Vestra í dag.

Blakala skrifaði undir hjá Vestra í dag.

Canon

Mynd: Vestri

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.