Patrik Sigurður Gunnarsson var í markinu hjá Viking og Samúel Kári Friðjónsson var einnig í byrjunarliðinu.
VIking var 2-0 yfir í hálfleik en Samúel Kári skoraði seinna markið eftir aðeins 8 mínútna leik. Staðan var orðin 4-0 eftir klukkutíma leik og Samúel gerði sér lítið fyrir og lagði upp fjórða markið eftir að hafa átt stóran þátt í þriðja markinu.
Fimmta markið kom síðan undir lok leiksins áður en Sligo náði að klóra í bakkann með marki úr vítaspyrnu.
Alex Þór á skotskónum
Alex Þór Hauksson skoraði eitt mark í 3-1 sigri Öster á Utsikten í efstu deildinni í Svíþjóð. Öster er í 4. sæti eftir 17 umferðir með jafn mörg stig og Brommapojkarna sem situr í 3. sæti.
Í næst efstu deildinni í Noregi töpuðu Íslendingaliðin Start og Sogndal. Bjarni Mark Antonsson lék allan leikinn í 1-0 tapi Start gegn Brann á útivelli.
Hörður Ingi Gunnarsson, Valdimar Þór Ingimundarson og Jónatan Ingi Jónsson voru allir í byrjunarliði Sogndal sem steinlá gegn Sandnes á útivelli 6-0. Sogndal er í 7. sæti með jafn mörg stig og KFUM sem er í sætinu fyrir ofan.
Start er þremur stigum á eftir Sogndal en 3-6 sæti gefur sæti í umspili. Brann er á toppnum og Sandnes í 2. sæti.