Rúnar Páll var sáttur með sigur sinna manna gegn Fjölni fyrr í dag. Stjarnan tók á móti Fjölnismönnum á Samsungvellinum í Garðabæ í Pepsi Max deild karla og fór með 1-0 sigur af hólmi eftir mark frá Hilmari Árna úr vítaspyrnu undir lok leiks.

Lestu um leikinn: Stjarnan 1 -  0 Fjölnir

„Gríðarlega mikilvægur sigur, við urðum að vinna þennan leik ef við ætluðum að vera með í þessu.''

„Þetta var bara sigur, mér er alveg sama hvort sigur sé eitthvað tæpur, við skoruðum í venjulegum leiktíma og um það snýst málið. Þetta var erfitt, við sköpuðum ekki mikið af færum og Fjölnismenn gerðu þetta erfitt, þeir hafa spilað vel í sumar þrátt fyrir að hafa ekki fengið úrslit en við komum inn marki í venjulegum leiktíma sem var frábært og við gefumst ekkert upp, við höfum sýnt það í sumar.''

Ævar Ingi er að koma til baka, hvað gefur það Stjörnunni?

„Þú sérð það bara þessar mínútur sem hann spilar hérna, það er kraftur í honum, hann er gríðarlega áræðinn og fljótur. Það gefur okkur bara ennþá meiri breidd í hópinn og vonandi helst hann heill það sem eftir er vetrar.''

Viðtalið í heild sinni má sjá í spilaranum hér að ofan en þar ræðir Rúnar betur um leikinn, leikmannahópinn, meiðsli og þær sögusagnir um breytingar í Garðabænum eftir tímabil.

Tweet

Senda a Facebook Hafdu samband Senda frétt Prenta frétt Frétta leit