Sarri vill halda Loftus-Cheek, Luiz og Fabregas

David Luiz í leik með Chelsea.

Mynd: Getty Images

David Luiz í leik með Chelsea.

Mynd: Getty Images

Miðjumaðurinn Mateo Kovacic er að glíma við ökklameiðsli og vinstri bakvörðurinn Marcos Alonso er meiddur í baki. Óvíst er með þátttöku þeirra með Chelsea þegar liðið leikur gegn Wolves annað kvöld.

Þetta kom fram á fréttamannafundi sem Maurizio Sarri, stjóri Chelsea, hélt í dag. Sarri sagði að slök frammistaða Alonso í sigrinum gegn Fulham hafi þó ekki verið vegna meiðsla.

Á fundinum í dag útilokaði Sarri að enski miðjumaðurinn Ruben Loftus-Cheek færi í janúarglugganum. Enski miðjumaðurinn hefur staðið sig vel þegar hann hefur fengið tækifæri á tímabilinu.

„Nei hann fer ekkert. Ég vil að hann veri áfram hjá mér, áfram hjá okkur," sagði Sarri.

Sarri fagnar því að Cesar Azpilicueta hafi gert nýjan fjögurra ára samnning og þá var hann spurður út í framtíð David Luiz og Cesc Fabregas sem verða báðir samningslausir í lok tímabils.

„David og Cesc eru leiðtogar. Það er mikilvægt fyrir mig, starfsliðið og liðsfélaga þeirra að þeir verði áfram. Báðir eru komnir yfir 30 ára aldur og venjan hjá Chelsea er að gefa þeim bara eins árs framlengingu. Það er hindrun, félagið vill stuttan samning en leikmaðurinn langan. Ég held að á endanum finnist lausn," segir Sarri.

Stöðutafla

#	Lið	L	mun	Stig
1	Arsenal	0	0	0
2	Aston Villa	0	0	0
3	Bournemouth	0	0	0
4	Brentford	0	0	0
5	Brighton	0	0	0
6	Chelsea	0	0	0
7	Coventry	0	0	0
8	Crystal Palace	0	0	0
9	Everton	0	0	0
10	Fulham	0	0	0
11	Hull City	0	0	0
12	Ipswich Town	0	0	0
13	Leeds	0	0	0
14	Liverpool	0	0	0
15	Manchester City	0	0	0
16	Manchester Utd	0	0	0
17	Newcastle	0	0	0
18	Nott. Forest	0	0	0
18	West Ham	38	-19	39
19	Burnley	38	-37	22
19	Sunderland	0	0	0
20	Wolves	38	-41	20
20	Tottenham	0	0	0